మహిళపై కూడా ‘గ్యాంగ్ రేప్’ కేసు పెట్టొచ్చు.. ఢిల్లీ హైకోర్టు సంచలన తీర్పు
ఢిల్లీ హైకోర్టు సంచలన తీర్పు వెలువరించింది…
ఒక మహిళ నేరుగా లైంగిక దాడికి పాల్పడకపోయినా, ఉమ్మడి కుట్రతో బాధితురాలిపై అత్యాచారం జరిగేలా సహకరిస్తే, ఆమెపై కూడా గ్యాంగ్ రేప్ కేసు నమోదు చేయవచ్చని స్పష్టం చేసింది.
*జస్టిస్ అనూప్ జైరామ్ భంభానీ* తీర్పు ఇస్తూ, చట్టంలోని ‘వ్యక్తులు’ అనే పదం కేవలం పురుషులకే వర్తిస్తుందనడానికి ఎలాంటి హేతుబద్ధత లేదని పేర్కొన్నారు.
ఐపీసీ సెక్షన్ 376D, భారతీయ న్యాయ సంహిత (BNS) సెక్షన్ 70 కింద ఈ తీర్పు ఇచ్చారు.
*కేసు వివరాలు:*
ఒక మహిళ తన మైనర్ కూతురిని బెదిరించి మరో వ్యక్తితో లైంగిక సంబంధానికి ఒత్తిడి చేసిన కేసులో ఈ తీర్పు వెలువడింది. తాను మహిళను కాబట్టి గ్యాంగ్ రేప్ కేసు వర్తించదంటూ ఆ తల్లి వేసిన పిటిషన్ ను కోర్టు కొట్టివేసింది.
అయితే, ఒక మహిళ ఒంటరిగా గ్యాంగ్ రేప్ కు పాల్పడితే ఈ సెక్షన్ వర్తించదని, గ్రూప్ లో భాగమై సహకరిస్తేనే వర్తిస్తుందని కోర్టు స్పష్టం చేసింది.
