అత్యవసర సమయంలో రక్తదానం చేసి మరోసారి ప్రాణదాతగా నిలిచిన ఓరుగంటి మల్లేష్
రక్తం అవసరమని తెలియగానే హైదరాబాద్కు వెళ్లి రక్తదానం.. మానవత్వానికి నిదర్శనంగా నిలిచిన సేవ…
త్రిశూల్ న్యూస్ రిపోర్టర్ గడిల లింగం
ఎవరికైనా అత్యవసరంగా రక్తం అవసరమని వాట్సాప్లో సమాచారం వస్తే చాలామంది స్పందించడానికి వెనుకాడుతుంటారు. వారు మన కుటుంబ సభ్యులు కాదు, మనకు తెలిసినవారు కాదు, వారితో మనకేం సంబంధం అనే ఆలోచనతో కొందరు పట్టించుకోకుండా ఉంటారు. కానీ అలాంటి ఆలోచనలకు తావులేకుండా, మానవత్వమే తన ధ్యేయంగా భావిస్తూ ఆపదలో ఉన్నవారికి అండగా నిలుస్తున్నారు ఓరుగంటి మల్లేష్.
హైదరాబాద్లోని ఓ ప్రైవేటు ఆసుపత్రిలో చికిత్స పొందుతున్న ఓ రోగికి ఆపరేషన్ నిమిత్తం అత్యవసరంగా ఓ పాజిటివ్ రక్తం అవసరమని సమాచారం అందగానే ఓరుగంటి మల్లేష్ వెంటనే స్పందించారు. దూరాన్ని సైతం లెక్కచేయకుండా హైదరాబాద్కు చేరుకుని రక్తదానం చేసి మరోసారి ప్రాణదాతగా నిలిచారు.
మన దగ్గర ఎంత డబ్బు ఉన్నా, ఎన్ని పరిచయాలు ఉన్నా అత్యవసర సమయంలో సకాలంలో రక్తం అందకపోతే ఎంతోమంది ప్రాణాలు కోల్పోయే ప్రమాదం ఉంది. అలాంటి పరిస్థితుల్లో ఎలాంటి స్వార్థం లేకుండా, ప్రతిఫలం ఆశించకుండా రక్తదానం చేస్తూ ఆపదలో ఉన్నవారికి అండగా నిలిచే ఓరుగంటి మల్లేష్ లాంటి రక్తదాతలు సమాజానికి ఎంతో అవసరం.
రక్తదానం అనేది కేవలం ఒక సేవ మాత్రమే కాదు.. ఒకరి ప్రాణాలను నిలబెట్టే గొప్ప మానవీయ బాధ్యత. ప్రతి ఒక్కరూ రక్తదానంపై అవగాహన పెంపొందించుకుని, తమ వంతుగా ప్రాణదాతలుగా నిలవాలని ఈ సందర్భంగా పిలుపునిచ్చారు.
రక్తదానం చేద్దాం.. ప్రాణదాతలుగా నిలుద్దాం!
రక్త కొరత లేని సమాజాన్ని నిర్మిద్దాం!
తలసేమియా బాధిత చిన్నారులకు అండగా నిలుద్దాం!
— డాక్టర్ ఎన్. బాలు
IVF సేవాదళ్ రాష్ట్ర చైర్మన్
రెడ్క్రాస్ జిల్లా సమన్వయ సభ్యులు
కామారెడ్డి రక్తదాతల సమూహ వ్యవస్థాపకులు

























