జీసీఆర్ ట్రస్ట్ ఆధ్వర్యంలో ఘనంగా అన్నపూర్ణ రథం ప్రారంభం
కామారెడ్డి నియోజకవర్గంలోని పేదలకు ఉచితంగా ఆహారం అందించడమే లక్ష్యం…
త్రిశూల్ న్యూస్ రిపోర్టర్ గడిల లింగం
కామారెడ్డి: నియోజకవర్గ ప్రజలకు సేవలందించాలనే గొప్ప సంకల్పంతో జీసీఆర్ ట్రస్ట్ ఆధ్వర్యంలో ఏర్పాటు చేసిన అన్నపూర్ణ రథాన్ని టీపీసీసీ ప్రధాన కార్యదర్శి గడ్డం చంద్రశేఖర్ రెడ్డి తల్లి గడ్డం విజయలక్ష్మి చేతుల మీదుగా ఘనంగా ప్రారంభించారు.
ఈ సందర్భంగా గడ్డం చంద్రశేఖర్ రెడ్డి మాట్లాడుతూ జీసీఆర్ ట్రస్ట్ ఆధ్వర్యంలో ప్రారంభించిన అన్నపూర్ణ రథం కామారెడ్డి నియోజకవర్గంలోని అన్ని మండలాలు, గ్రామాల్లో పర్యటిస్తూ పేద, నిరుపేద ప్రజలకు ఆహారాన్ని అందిస్తుందని తెలిపారు.
ప్రజాసేవే లక్ష్యంగా, పేద ప్రజల ముఖాల్లో చిరునవ్వులు చూడటమే ధ్యేయంగా జీసీఆర్ ట్రస్ట్ నిరంతరం సేవా కార్యక్రమాలను కొనసాగిస్తుందని పేర్కొన్నారు. అన్నపూర్ణ రథం ద్వారా నియోజకవర్గంలోని అవసరమైన వారికి ఆహారం అందించి, ఆకలి తీర్చేందుకు కృషి చేస్తామని తెలిపారు.
ఈ కార్యక్రమంలో టీపీసీసీ ప్రధాన కార్యదర్శి గడ్డం చంద్రశేఖర్ రెడ్డి, తెలంగాణ రాష్ట్ర మహిళా కాంగ్రెస్ ప్రధాన కార్యదర్శి, మాజీ మున్సిపల్ చైర్పర్సన్ గడ్డం ఇందుప్రియ, కామారెడ్డి జిల్లా సేవాదళ్ అధ్యక్షుడు, మున్సిపల్ కౌన్సిలర్ గడ్డమీది మహేష్, డీసీసీ ఉపాధ్యక్షులు పంపరి లక్ష్మణ్, సబ్బాని కృష్ణహరి, డీసీసీ ప్రధాన కార్యదర్శి జూలూరి సుధాకర్, సేవాదళ్ నియోజకవర్గ అధ్యక్షుడు మెహర్ బాబాగౌడ్, మాజీ మున్సిపల్ కౌన్సిలర్లు పంపరి శ్రీనివాస్, సలీం, సుగుణ, చింతల రవీందర్ గౌడ్, చాట్ల వంశీ, పిడుగు సాయిబాబా, కామారెడ్డి జిల్లా పద్మశాలి సంఘం అధ్యక్షుడు సిరిగాడ లక్ష్మీనారాయణ, రంగ రమేష్ గౌడ్, బండారి శ్రీకాంత్, కోటేశ్వర్, అరవింద్, ఆబిద్, యువజన నాయకులు పండు, శ్రీకాంత్, ఆకాష్, నిరంజన్తో పాటు సేవాదళ్ నియోజకవర్గ, మండల అధ్యక్షులు తదితరులు పాల్గొన్నారు.

























