ఇందల్వాయి టోల్ ప్లాజా వద్ద వాహనదారులకు పోలీసుల అవగాహన
హెల్మెట్ తప్పనిసరి.. మద్యం సేవించి వాహనాలు నడిపితే జరిమానాలు తప్పవు: ఎస్ఐ సుమలత…
త్రిశూల్ న్యూస్ ఇందల్వాయి మండల్ రిపోర్టర్ వైకుంఠం
నిజామాబాద్ జిల్లా : ఇందల్వాయి టోల్ ప్లాజా వద్ద మండల ప్రజలకు, వాహనదారులకు పోలీసులు రోడ్డు భద్రతపై పలు సూచనలు చేశారు. ద్విచక్ర వాహనదారులు బయటకు వెళ్లేటప్పుడు తప్పనిసరిగా హెల్మెట్ ధరించాలని, హెల్మెట్ లేకుండా వాహనాలు నడిపితే జరిమానాలు విధిస్తామని హెచ్చరించారు.
అదేవిధంగా ఎవరూ మద్యం సేవించి వాహనాలు నడపకూడదని సూచించారు. వాహనదారులు తమ వాహనాలకు సంబంధించిన రిజిస్ట్రేషన్ పత్రాలు, డ్రైవింగ్ లైసెన్స్, ఇన్సూరెన్స్ తదితర ధ్రువపత్రాలను తప్పనిసరిగా కలిగి ఉండాలని తెలిపారు. ద్విచక్ర వాహనదారులు పొల్యూషన్ సర్టిఫికెట్ (PUC) కూడా తప్పనిసరిగా కలిగి ఉండాలని సూచించారు.
రోడ్డు ప్రమాదాల నివారణే లక్ష్యంగా ప్రతి ఒక్కరూ ట్రాఫిక్ నిబంధనలు పాటించాలని, వాహన తనిఖీలకు పోలీసులకు సహకరించాలని ఎస్ఐ సుమలత మండల ప్రజలను కోరారు. నిబంధనలు ఉల్లంఘించిన వారిపై చట్టప్రకారం చర్యలు తీసుకుంటామని ఆమె స్పష్టం చేశారు.

























