విలేకరి మేకల శ్రీకాంత్ను పరామర్శించిన జర్నలిస్టులు…
త్రిశూల్ న్యూస్ రిపోర్టర్ గుర్రం నరేష్
కమ్మర్పల్లి మండలంలోని హసకొత్తూరు గ్రామానికి చెందిన ‘సూర్య’ దినపత్రిక విలేకరి మేకల శ్రీకాంత్ అక్టోబర్ 2న గాంధీ జయంతి రోజున గ్రామంలో జరిగిన రోడ్డు ప్రమాదంలో గాయపడ్డారు. ఈ ప్రమాదంలో ఆయన కుడి కాలుకు ఫ్రాక్చర్ అయింది.
ఈ విషయం తెలుసుకున్న ముంబై వలసజీవి, సీనియర్ జర్నలిస్ట్ మూలనివాసి మాలజీ ప్రత్యేకంగా శ్రీకాంత్ను సందర్శించి పరామర్శించారు. ఆయనతో పాటు స్థానిక జర్నలిస్టులు గుర్రం నరేష్, అంగుళి మాలజీ, మామిడి రాజు, కేవడ రాజు, మేకల క్రాంతి తదితరులు శ్రీకాంత్ను పరామర్శించారు. ప్రమాదానికి సంబంధించిన వివరాలను అడిగి తెలుసుకున్నారు.
ఈ సందర్భంగా జర్నలిస్టులు మాట్లాడుతూ.. రాష్ట్రంలో డ్రైవింగ్పై సరైన అవగాహన లేకపోవడం వల్ల రోడ్డు ప్రమాదాలు చోటుచేసుకోవడం ఆందోళనకరమని అన్నారు. రోడ్డు భద్రత, ట్రాఫిక్ నిబంధనలపై ప్రజలకు మరింత విస్తృతంగా అవగాహన కల్పించాలని రాష్ట్ర ప్రభుత్వాన్ని కోరారు. అలాగే జర్నలిస్టులకు తగిన భద్రతతో పాటు అవసరమైన సౌకర్యాలు కల్పించాలని ప్రభుత్వానికి విజ్ఞప్తి చేశారు.

























