మానవ సేవే మాధవ సేవ.. ప్రజల ఆరోగ్యమే ప్రథమ ప్రాధాన్యత!
ధర్పల్లి ఏరియా ఆసుపత్రి పరిసరాలను సొంత ట్రాక్టర్తో శుభ్రం చేయించిన బీజేపీ మండల అధ్యక్షుడు జిర్రా మహిపాల్…
త్రిశూల్ న్యూస్ ధర్పల్లీ మండల్ రిపోర్టర్ బిల్ల నవీన్
నిజామాబాద్ జిల్లా : ధర్పల్లి ఏరియా ఆసుపత్రి ఆవరణలో దోమలు, మురుగునీరు, చెత్తాచెదారం పేరుకుపోవడంతో పరిసరాలు అపరిశుభ్రంగా మారాయి. దీంతో ఆసుపత్రికి వచ్చే రోగులు, వారి కుటుంబ సభ్యులు, ఆసుపత్రి సిబ్బంది తీవ్ర ఇబ్బందులు ఎదుర్కొంటున్నారు.
ఈ సమస్యను ఆసుపత్రి సిబ్బంది తెలియజేయడంతో స్పందించిన ధర్పల్లి మండల బీజేపీ అధ్యక్షుడు జిర్రా మహిపాల్ తనవంతు సహాయంగా ముందుకొచ్చారు. ప్రజల ఆరోగ్యాన్ని దృష్టిలో ఉంచుకొని ఎలాంటి ఆలస్యం చేయకుండా తన సొంత ట్రాక్టర్తో ఆసుపత్రి పరిసరాల్లో పేరుకుపోయిన చెత్తాచెదారాన్ని తొలగించి, పరిశుభ్రత పనులు చేపట్టేందుకు అవసరమైన సహాయ సహకారాలు అందించారు.
రాజకీయాలకు అతీతంగా ప్రజలకు అవసరమైన సమయంలో స్పందిస్తూ ప్రభుత్వ ఆసుపత్రి పరిసరాల పరిశుభ్రతకు తనవంతు సహకారం అందించడం అభినందనీయమని పలువురు పేర్కొన్నారు. ఇలాంటి సేవా కార్యక్రమాలు మరెందరికో స్ఫూర్తిగా నిలుస్తాయని తెలిపారు.
ఈ సందర్భంగా ఆసుపత్రి సిబ్బంది జిర్రా మహిపాల్కు ప్రత్యేక కృతజ్ఞతలు తెలియజేస్తూ, ఆయన సేవాభావాన్ని అభినందించారు.

























