విద్యానగర్లో ఘనంగా కుంకుమ పూజలు
భక్తిశ్రద్ధలతో పాల్గొన్న మహిళలు, కాలనీవాసులు..
త్రిశూల్ న్యూస్ రిపోర్టర్ గడిల లింగం
కామారెడ్డి పట్టణంలోని విద్యానగర్ కాలనీలో బజరంగి యూత్ కమిటీ ఆధ్వర్యంలో కుంకుమ పూజలు అంగరంగ వైభవంగా నిర్వహించారు.
అర్చకులు వేద మంత్రోచ్చారణల మధ్య ప్రత్యేక పూజా కార్యక్రమాలను ఘనంగా నిర్వహించారు.
కాలనీవాసులు, అపార్ట్మెంట్ సభ్యులు కుటుంబసభ్యుల్లా కలిసి పెద్ద ఎత్తున కార్యక్రమంలో పాల్గొన్నారు.
మహిళలు, భక్తులు ఎంతో ఆసక్తి, ఉత్సాహంతో కుంకుమ పూజల్లో పాల్గొని అమ్మవారిని ప్రార్థించారు.
ఉదయం, సాయంత్రం ప్రత్యేక పూజా కార్యక్రమాలు నిర్వహిస్తూ భక్తులకు ఆధ్యాత్మిక వాతావరణాన్ని కల్పిస్తున్నారు.
ప్రతిరోజూ సాయంత్రం అల్పాహార వితరణతో పాటు భజనలు, భక్తి గీతాలు, కోలాటాలు నిర్వహిస్తున్నారు.
కాలనీవాసులు పెద్ద సంఖ్యలో పాల్గొంటూ కార్యక్రమాలను విజయవంతం చేస్తున్నారు.
బజరంగి యూత్ కమిటీ సభ్యులు సమన్వయంతో ఏర్పాట్లు చేస్తూ భక్తులకు ఎలాంటి ఇబ్బందులు లేకుండా చూస్తున్నారు.
