అశోకనగర్‌ కాలనీలో వైభవంగా సద్దుల బతుకమ్మ సంబరాలు
రంగురంగుల పూల బతుకమ్మలతో సందడిగా వేడుకలు.. కుటుంబ సమేతంగా పాల్గొన్న కాలనీవాసులు…
త్రిశూల్ న్యూస్ రిపోర్టర్ గడిల లింగం
కామారెడ్డి: పట్టణంలోని అశోకనగర్‌ కాలనీలో సద్దుల బతుకమ్మ సంబరాలు అంగరంగ వైభవంగా జరిగాయి.
కాలనీలోని మైసమ్మ గుడి వద్ద మహిళలు రంగురంగుల పూలతో అందంగా బతుకమ్మలను పేర్చి ప్రత్యేక ఆకర్షణగా నిలిపారు.
గౌరమ్మను భక్తిశ్రద్ధలతో పూజిస్తూ బతుకమ్మ పాటలు పాడుతూ సంబరాలు జరుపుకున్నారు.
తెలంగాణ సంస్కృతి, సంప్రదాయాలకు ప్రతీకగా నిలిచే బతుకమ్మ పండుగను పూల పండుగగా ఎంతో ఘనంగా నిర్వహించారు.
మైసమ్మ గుడి వద్ద మహిళలు, చిన్నారులు, కాలనీవాసులు పెద్ద సంఖ్యలో పాల్గొని వేడుకలను ఆనందోత్సాహాల మధ్య జరుపుకున్నారు.
కుటుంబ సమేతంగా హాజరైన వారితో కాలనీలో పండుగ వాతావరణం నెలకొంది.
తెలంగాణ ఆడపడుచుల ఆత్మీయతకు, ప్రకృతి ప్రేమకు ప్రతీకగా నిలిచే బతుకమ్మ పండుగ విశిష్టతను ఈ సందర్భంగా చాటిచెప్పారు.
సాంప్రదాయ బతుకమ్మ పాటలు, పూల అలంకరణలతో మైసమ్మ గుడి పరిసరాలు సందడిగా మారాయి.
కాలనీవాసులందరూ కలిసి ఐకమత్యంతో సద్దుల బతుకమ్మ వేడుకలను విజయవంతంగా నిర్వహించారు.
