ధర్మారం (బి) జీనియస్ హైస్కూల్‌లో నాయిడి వాణికి బెస్ట్ టీచర్ అవార్డు…
త్రిశూల్ న్యూస్ రిపోర్టర్ ప్రభాకర్
నిజామాబాద్ జిల్లా డిచ్‌పల్లి మండలం ధర్మారం (బి) గ్రామంలోని జీనియస్ హైస్కూల్‌లో ఉపాధ్యాయురాలు నాయిడి వాణికి బెస్ట్ టీచర్ అవార్డు లభించింది.
గత 15 సంవత్సరాలుగా ఉపాధ్యాయ వృత్తిలో కొనసాగుతూ విద్యార్థులకు నాణ్యమైన విద్యను అందిస్తూ, వారి అభివృద్ధికి కృషి చేస్తున్నందుకు ఆమెను ఈ అవార్డుతో సత్కరించారు.
ఈ సందర్భంగా నాయిడి వాణి మాట్లాడుతూ.. ఉపాధ్యాయురాలిగా తన సేవలను గుర్తించి అవార్డు అందించడం ఎంతో సంతోషంగా ఉందని తెలిపారు. భవిష్యత్తులోనూ విద్యార్థుల అభ్యున్నతికి మరింత కృషి చేస్తానని అన్నారు.
