డీఈఐసీలో చిన్నారులకు వైద్య పరీక్షలు.
ఎస్ఏఎం, ఎంఏఎం చిన్నారులకు గుర్తించి చికిత్స…
త్రిశూల్ న్యూస్ రిపోర్టర్ గడిల లింగం
బాన్సువాడ డీఈఐసీ కేంద్రంలో ఎస్ఏఎం, ఎంఏఎం చిన్నారులకు గుర్తింపు, చికిత్స అందించేందుకు ప్రత్యేక వైద్య శిబిరం నిర్వహించారు.
సూపరింటెండెంట్ డాక్టర్ శ్రీనివాస్ పర్యవేక్షణలో డాక్టర్ పవన్, డీఈఐసీ సిబ్బంది సమన్వయంతో శిబిరం జరిగింది.
ఆర్బీఎస్‌కే బృందాల ద్వారా వివిధ మండలాల నుంచి వచ్చిన చిన్నారుల పేర్లను నమోదు చేశారు.
చిన్నారుల ఎత్తు, బరువు, వయస్సులను నమోదు చేసి, ఆరోగ్య పరీక్షలు నిర్వహించారు.
అవసరమైన చిన్నారులకు వైద్యుల సూచనల మేరకు మందులు అందజేశారు.
ఈ సందర్భంగా డాక్టర్ పవన్ మాట్లాడుతూ చిన్నారులకు పోషక విలువలతో కూడిన సమతుల్య ఆహారం అందించాలని సూచించారు.
పౌష్టికాహారం పిల్లల శారీరక, మానసిక వికాసంతో పాటు సృజనాత్మకత, మేధో సామర్థ్యం పెంపొందించేందుకు దోహదపడుతుందని తెలిపారు.
చిన్నారుల్లో పోషకాహార లోపాన్ని ప్రారంభ దశలోనే గుర్తించి తగిన చికిత్స అందించడం ముఖ్యమని పేర్కొన్నారు.
ఈ కార్యక్రమంలో డాక్టర్ సుజాత ఆర్ఎంఓ డాక్టర్ రాథోడ్ ప్రకాశ్, ఆర్ఎంఓ మరియు డీఈఐసీ వైద్యులు డాక్టర్ హరీష్ తదితరులు పాల్గొన్నారు.
