గోమాతను విశ్వమాతగా ప్రకటించాలి
గోహత్యలను నిషేధించాలని దేశవ్యాప్తంగా సంతకాల సేకరణ…
త్రిశూల్ న్యూస్ రిపోర్టర్ గడిల లింగం
కామారెడ్డి: గోమాతను విశ్వమాతగా ప్రకటించాలని, గోహత్యలను పూర్తిగా నిషేధించాలని డిమాండ్‌ చేస్తూ దేశవ్యాప్తంగా సంతకాల సేకరణ ఉద్యమం కొనసాగుతోంది. ఇందులో భాగంగా కామారెడ్డి జిల్లా కేంద్రంలోని పలు కళాశాలలు, పాఠశాలలు, ఆసుపత్రుల్లో పెద్ద ఎత్తున సంతకాల సేకరణ కార్యక్రమాన్ని నిర్వహిస్తున్నారు.
గోవులను వధించకుండా కాపాడాలని, గోమాతకు విశ్వమాతగా గుర్తింపు కల్పించాలని నిర్వాహకులు కోరుతున్నారు. ఈ డిమాండ్లకు మద్దతుగా విద్యార్థులు, ఉపాధ్యాయులు, సిబ్బంది, పలువురు ప్రజలు స్వచ్ఛందంగా సంతకాలు చేస్తున్నారు. గోరక్షణ ఆవశ్యకతను ప్రజల్లోకి తీసుకెళ్లడంతో పాటు, గోహత్యల నిషేధానికి మద్దతు కూడగట్టడమే ఈ ఉద్యమ ప్రధాన ఉద్దేశమని నిర్వాహకులు పేర్కొంటున్నారు. దేశవ్యాప్తంగా సాగుతున్న ఈ సంతకాల సేకరణ ఉద్యమానికి ప్రజల నుంచి మద్దతు లభిస్తోందని తెలిపారు.
