జీనియస్ పాఠశాలలో బిల్ గేట్స్ పుట్టినరోజు వేడుకలు ఘనంగా నిర్వహణ
పుట్టినరోజు సందర్భంగా మొక్కలు నాటి పర్యావరణ పరిరక్షణకు విద్యార్థుల పిలుపు…
త్రిశూల్ న్యూస్ రిపోర్టర్ ప్రభాకర్
డిచ్‌పల్లి: నిజామాబాద్ జిల్లా డిచ్‌పల్లి మండలం ధర్మారం (బి) గ్రామంలోని జీనియస్ పాఠశాలలో బిల్ గేట్స్ పుట్టినరోజు వేడుకలను ఘనంగా నిర్వహించారు. ఈ సందర్భంగా పాఠశాలలో ప్రత్యేక కార్యక్రమాన్ని ఏర్పాటు చేసి, విద్యార్థులు, ఉపాధ్యాయుల సమక్షంలో పుట్టినరోజు వేడుకలను నిర్వహించారు.
ఈ సందర్భంగా పాఠశాల ఆవరణలో మొక్కలు నాటారు. పర్యావరణ పరిరక్షణలో భాగంగా మొక్కలు నాటడం, వాటిని సంరక్షించడం ప్రతి ఒక్కరి బాధ్యత అని ఈ కార్యక్రమం ద్వారా తెలియజేశారు. పచ్చదనం పెంపొందించడం వల్ల పర్యావరణ సమతుల్యతను కాపాడటంతో పాటు భవిష్యత్తు తరాలకు స్వచ్ఛమైన వాతావరణాన్ని అందించవచ్చని పేర్కొన్నారు.
విద్యార్థులు చదువుతో పాటు సామాజిక బాధ్యతను అలవర్చుకోవాలని, ప్రకృతి పరిరక్షణకు తమ వంతు కృషి చేయాలని ఈ సందర్భంగా సూచించారు. పాఠశాల స్థాయిలో ఇలాంటి కార్యక్రమాలు నిర్వహించడం ద్వారా విద్యార్థుల్లో పర్యావరణంపై అవగాహన పెరుగుతుందని తెలిపారు.
ఈ కార్యక్రమంలో జీనియస్ పాఠశాల కరస్పాండెంట్ జీసస్ కలం గంగారెడ్డి, విద్యార్థినీ విద్యార్థులు, ఉపాధ్యాయులు పాల్గొన్నారు. మొక్కలు నాటడం ద్వారా పర్యావరణ పరిరక్షణకు ప్రాధాన్యతనిస్తూ కార్యక్రమాన్ని విజయవంతంగా నిర్వహించారు.
