ఎల్‌నినో ప్రభావం నేపథ్యంలో వరి సాగుకు దూరంగా ఉండాలి
రైతులకు వ్యవసాయ అధికారి శ్రీకాంత్ సూచన…
త్రిశూల్ న్యూస్ ఇందల్వాయి మండల్ రిపోర్టర్ వైకుంఠం
ఇందల్వాయి: ఎల్‌నినో ప్రభావం, భూగర్భ జలాల తగ్గుదల నేపథ్యంలో రైతులు వరి సాగుకు బదులుగా తక్కువ నీటితో పండించే ఆరుతడి పంటలపై దృష్టి సారించాలని మండల వ్యవసాయ అధికారి శ్రీకాంత్ సూచించారు.
ఇందల్వాయి మండలంలోని రంజిత్ నాయక్ తండా, త్రియంబక్‌పేట్ గ్రామాల్లో మండల వ్యవసాయ అధికారి శ్రీకాంత్ ఆధ్వర్యంలో రైతులకు అవగాహన కార్యక్రమం నిర్వహించారు. ఈ సందర్భంగా ఎల్‌నినో ప్రభావం, భూగర్భ జలాల తగ్గుదల వల్ల ఎదురయ్యే సమస్యలను వివరించారు.
రైతులు వరి సాగుకు బదులుగా జొన్న, మినుము, పెసర, కుసుమ, పొద్దుతిరుగుడు వంటి తక్కువ నీటితో సాగు చేయగల ఆరుతడి పంటలను ఎంచుకోవాలని సూచించారు. నీటి వనరులను పొదుపుగా వినియోగించుకుంటూ, వాతావరణ పరిస్థితులకు అనుగుణంగా పంటలను సాగు చేయాలని కోరారు.
ఈ కార్యక్రమంలో సర్పంచ్ రాజు నాయక్, పీఏసీఎస్ వైస్ చైర్మన్ మారుతి, రైతులు పాల్గొన్నారు.
