ట్రాఫిక్ నిబంధనలు తప్పనిసరిగా పాటించాలి
బిక్నూర్‌ ఎస్‌ఐ అనిల్‌ సూచనలు…
త్రిశూల్ న్యూస్ రిపోర్టర్ గడిల లింగం
బిక్నూర్‌: మండల ప్రజలు రహదారి భద్రతా నియమాలను తప్పనిసరిగా పాటించాలని బిక్నూర్‌ ఎస్‌ఐ అనిల్‌ సూచించారు. వాహనాలు నడిపేటప్పుడు ద్విచక్ర వాహనదారులు తప్పనిసరిగా హెల్మెట్‌ ధరించాలని కోరారు. మద్యం సేవించి వాహనాలు నడపరాదని, ట్రిపుల్‌ రైడింగ్‌కు పాల్పడకూడదని స్పష్టం చేశారు.
రోడ్డు ప్రమాదాల నివారణకు ప్రతి ఒక్కరూ ట్రాఫిక్ నిబంధనలను పాటించాలని, ఇతరులకు ఇబ్బంది కలగకుండా బాధ్యతాయుతంగా వాహనాలు నడపాలని సూచించారు. రహదారి భద్రతపై ప్రతి ఒక్కరూ అవగాహన కలిగి ఉండాలని పేర్కొన్నారు.
ఇళ్ల భద్రతపై అప్రమత్తంగా ఉండాలి
మండలంలో దొంగతనాల నివారణకు ప్రజలు అప్రమత్తంగా ఉండాలని ఎస్‌ఐ అనిల్‌ సూచించారు. ఇళ్లకు తాళాలు వేసి ఇతర ప్రాంతాలకు వెళ్లే సమయంలో స్థానిక పోలీసులకు ముందస్తు సమాచారం అందించాలని కోరారు. ఇళ్ల భద్రత విషయంలో తగిన జాగ్రత్తలు తీసుకోవాలని, అనుమానాస్పద వ్యక్తులు లేదా సంఘటనలు కనిపిస్తే వెంటనే పోలీసులకు సమాచారం అందించాలని తెలిపారు.
ప్రజలు పోలీసులకు సహకరిస్తూ రహదారి భద్రతతో పాటు తమ ఇళ్ల భద్రతకు ప్రాధాన్యత ఇవ్వాలని ఎస్‌ఐ అనిల్‌ సూచించారు.
