భీంగల్‌లో తాగునీటి సమస్యకు పరిష్కారం
రూ. 1.50 లక్షలతో నూతన పైపులైన్ ప్రారంభం.. ఎల్‌నినో ప్రభావం దృష్ట్యా నీటిని పొదుపుగా వాడుకోవాలి: ఎంపీడీవో గంగుల సంతోష్ కుమార్…
త్రిశూల్ న్యూస్ రిపోర్టర్ కూనే జితేందర్
భీంగల్: నిజామాబాద్ జిల్లా భీంగల్ మండలంలోని బాబానగర్ కాలనీలో తాగునీటి సమస్య పరిష్కారం కోసం రూ. 1.50 లక్షల వ్యయంతో నూతనంగా ఏర్పాటు చేసిన పైపులైన్‌ను ఎంపీడీవో గంగుల సంతోష్ కుమార్ ఈరోజు ప్రారంభించారు.
ఈ సందర్భంగా ఆయన మాట్లాడుతూ, ఎల్‌నినో ప్రభావం దృష్ట్యా ప్రజలందరూ నీటిని పొదుపుగా వినియోగించాలని, నీటిని వృథా చేయకూడదని సూచించారు. భవిష్యత్తులో నీటి ఎద్దడి తలెత్తకుండా ప్రతి గ్రామంలో కమ్యూనిటీ ఇంకుడు గుంతలను, ప్రతి ఇంటి వద్ద వ్యక్తిగత ఇంకుడు గుంతలను ఏర్పాటు చేసుకొని వర్షపు నీటిని సంరక్షించాలని కోరారు.
ఈ కార్యక్రమంలో గ్రామ సర్పంచ్, ఉపసర్పంచ్, పంచాయతీ కార్యదర్శి, నాయకులు తదితరులు పాల్గొన్నారు.
