భీంగల్: పురాణిపేటలో బోర్‌వెల్ రీఛార్జ్ స్ట్రక్చర్‌కు భూమిపూజ.
త్రిశూల్ న్యూస్ రిపోర్టర్ కూనే జితేందర్
నిజామాబాద్ జిల్లా భీంగల్ మండలం పురాణిపేట గ్రామంలో బీబీజీ రామ్‌జీ పథకం కింద బోర్‌వెల్ రీఛార్జ్ స్ట్రక్చర్ నిర్మాణానికి ఎంపీడీవో గంగుల సంతోష్ కుమార్ భూమిపూజ నిర్వహించారు.
అనంతరం అటవీ ప్రాంతంలో నిర్మిస్తున్న నీటి సంరక్షణ పాండ్ పనులను పరిశీలించి, పనులను నాణ్యతా ప్రమాణాలతో త్వరగా పూర్తి చేయాలని కూలీలకు సూచించారు. బోర్‌వెల్ రీఛార్జ్ స్ట్రక్చర్ ద్వారా పూర్తిగా ఎండిపోయిన బోర్లలో తిరిగి నీటి నిల్వలు పెరిగేందుకు అవకాశం ఉంటుందని ఎంపీడీవో తెలిపారు.
అనంతరం గ్రామంలోని నర్సరీని పరిశీలించి, ఈ ఏడాది కొత్తగా 5,000 మొక్కలను పెంచాలని సూచించారు. ప్రజలకు ఉపయోగపడే పండ్ల మొక్కలు, నీడనిచ్చే మొక్కలకు ప్రాధాన్యత ఇవ్వాలని కోరారు.
ఈ కార్యక్రమంలో గ్రామ సర్పంచ్ సుమ, ఏఈ అమూల్య, ఏపీవో నరసయ్య, వార్డు సభ్యులు, పంచాయతీ కార్యదర్శి, ఫీల్డ్ అసిస్టెంట్, మేట్, ఉపాధి హామీ కూలీలు తదితరులు పాల్గొన్నారు.
