భీంగల్ నూతన కోర్టులో ఏపీపీ ఛాంబర్ ప్రారంభం – నేటి నుంచి సాక్ష్యాల నమోదు…
త్రిశూల్ న్యూస్ రిపోర్టర్ కూనే జితేందర్
నిజామాబాద్ జిల్లా భీంగల్ పట్టణంలో నూతనంగా ఏర్పాటు చేసిన న్యాయస్థానంలో శుక్రవారం అసిస్టెంట్ పబ్లిక్ ప్రాసిక్యూటర్ (ఏపీపీ) ఛాంబర్‌ను ప్రారంభించారు.
ఈ సందర్భంగా నేటి నుంచి నూతన కోర్టులో కేసులకు సంబంధించిన సాక్ష్యాల నమోదు ప్రక్రియ ప్రారంభం కానుందని తెలిపారు. న్యాయపరమైన కార్యకలాపాలు స్థానికంగానే అందుబాటులోకి రావడంతో భీంగల్ ప్రాంత ప్రజలు, న్యాయవాదులు, కక్షిదారులకు ఎంతో సౌకర్యవంతంగా ఉండనుంది. సమయం, ప్రయాణ ఖర్చులు కూడా ఆదా కానున్నాయి.
నూతన కోర్టులో సాక్ష్యాల నమోదు ప్రక్రియ ప్రారంభం కావడం న్యాయస్థాన అభివృద్ధిలో మరో కీలక ముందడుగుగా నిలిచింది.
ఈ కార్యక్రమంలో భీంగల్ న్యాయవాదులు జి. చైతన్య, సూర సురేష్, భీంగల్ ఎస్‌ఐ తిరుపతి, మోర్తాడ్ ఎస్‌ఐ రాము, కోర్టు కానిస్టేబుళ్లు భీంగల్‌కు చెందిన రమణ, కమ్మర్‌పల్లికి చెందిన రాజు, సిరికొండకు చెందిన అనిల్, మోర్తాడ్‌కు చెందిన హరి, ఎర్గట్లకు చెందిన సురేష్ తదితరులు పాల్గొన్నారు.
