కమ్మర్‌పల్లిలో పేకాట స్థావరంపై పోలీసుల దాడి.. ఆరుగురు అరెస్ట్!
త్రిశూల్ న్యూస్ కమ్మర్‌పల్లి మండల్ రిపోర్టర్ గుర్రం నరేష్
కమ్మర్‌పల్లి పోలీస్‌స్టేషన్ పరిధిలో పేకాట ఆడుతున్న ఆరుగురు వ్యక్తులను పోలీసులు అదుపులోకి తీసుకున్నారు. ఈ సందర్భంగా బహిరంగంగా నగదు పెట్టి పేకాట ఆడుతున్న వారిపై పోలీసులు దాడి నిర్వహించారు.
ఈ దాడిలో పట్టుబడిన ఆరుగురు వ్యక్తుల వద్ద నుంచి రూ.9,500 నగదు, నాలుగు సెల్‌ఫోన్లు, పేకాట ముక్కలను పోలీసులు స్వాధీనం చేసుకున్నారు. నిందితులపై కేసు నమోదు చేసి, తదుపరి చట్టపరమైన చర్యల్లో భాగంగా దర్యాప్తు చేపట్టారు.
ఈ సందర్భంగా కమ్మర్‌పల్లి ఎస్సై సీహెచ్. సతీష్ మాట్లాడుతూ.. మండల పరిధిలో ఎవరైనా అసాంఘిక కార్యకలాపాలకు పాల్పడితే, ముఖ్యంగా పేకాట, జూదం నిర్వహించినా లేదా ఆడినా చట్టపరంగా కఠిన చర్యలు తీసుకుంటామని హెచ్చరించారు. ఇలాంటి అసాంఘిక కార్యకలాపాలకు సంబంధించిన సమాచారం ఎవరికైనా తెలిస్తే వెంటనే పోలీసులకు తెలియజేయాలని ప్రజలను కోరారు.
