ప్రతి ఇంటా ఇంకుడు గుంత ఏర్పాటు చేయాలి.. సర్పంచ్ మలావత్ బాలు నాయక్ పిలుపు!
త్రిశూల్ న్యూస్ ధర్పల్లీ మండల్ రిపోర్టర్ బిల్ల నవీన్
నిజామాబాద్ జిల్లా ధర్పల్లి మండల కేంద్రంలోని ఇంద్రానగర్ తండా గ్రామపంచాయతీ పరిధిలో ప్రతి ఇంటా ఇంకుడు గుంత ఏర్పాటు చేయాలనే లక్ష్యంతో మంగళవారం గ్రామ సర్పంచ్ మలావత్ బాలు నాయక్ కార్యక్రమానికి శ్రీకారం చుట్టారు. ఈ సందర్భంగా భూగర్భ జలాల పెంపు, వర్షపు నీటి సంరక్షణ ఆవశ్యకతపై గ్రామ ప్రజలకు అవగాహన కల్పించారు. ప్రతి ఒక్కరూ తమ ఇళ్ల వద్ద ఇంకుడు గుంతలు ఏర్పాటు చేసుకుని, వర్షపు నీటిని భూమిలోకి ఇంకేలా చర్యలు తీసుకోవాలని సూచించారు. నీటి సంరక్షణలో ప్రతి ఒక్కరూ భాగస్వాములు కావాలని పిలుపునిచ్చారు.
ఈ కార్యక్రమంలో గ్రామపంచాయతీ కార్యదర్శి, ఫీల్డ్ అసిస్టెంట్, గ్రామ ప్రజలు పాల్గొన్నారు.
