జూదం స్థావరాలపై పోలీసుల మెరుపుదాడులు
13 మంది పట్టివేత.. మూడు కేసులు నమోదు.
నగదు, మొబైల్ ఫోన్లు స్వాధీనం…
త్రిశూల్ న్యూస్ రిపోర్టర్ గడిల లింగం
కామారెడ్డి: జూదం, అసాంఘిక కార్యకలాపాలకు అడ్డుకట్ట వేసేందుకు సదాశివనగర్ పోలీసులు మెరుపుదాడులు నిర్వహించారు.
విశ్వసనీయ సమాచారం మేరకు సదాశివనగర్ మండలంలోని భూంపల్లి పద్మాజివాడి, మల్లుపేట గ్రామాల శివారులో పోలీసులు తనిఖీలు చేపట్టారు.
ఈ దాడుల్లో జూదం ఆడుతున్న 13 మందిని అదుపులోకి తీసుకున్నారు. వారిపై మూడు కేసులు నమోదు చేశారు.
దాడుల్లో నగదుతో పాటు మొబైల్ ఫోన్లను పోలీసులు స్వాధీనం చేసుకున్నారు.
ఈ సందర్భంగా ఎస్‌ఐ పుష్పరాజ్ మాట్లాడుతూ జూదానికి బానిసై జీవితాలను, కుటుంబాలను నాశనం చేసుకోవద్దని సూచించారు.
