ధర్పల్లి మండల బీజేపీ కమిటీ సమావేశం.. పార్టీ బలోపేతానికి కృషి చేయాలి: దినేష్ కులాచారి…
త్రిశూల్ న్యూస్ ధర్పల్లీ మండల్ రిపోర్టర్ బిల్ల నవీన్
నిజామాబాద్ జిల్లా : ధర్పల్లి మండల కేంద్రంలో బీజేపీ మండల కమిటీ సమావేశం నిర్వహించారు. ఈ సమావేశానికి ముఖ్య అతిథిగా హాజరైన ఇందూరు జిల్లా బీజేపీ అధ్యక్షుడు దినేష్ కులాచారి మాట్లాడుతూ.. కాంగ్రెస్ ప్రభుత్వం ఎన్నికల సమయంలో ప్రజలకు ఇచ్చిన హామీలను అమలు చేయడంలో విఫలమైందని విమర్శించారు.
ప్రభుత్వ వైఫల్యాలను ప్రజల్లోకి తీసుకెళ్లాలని, గ్రామస్థాయి నుంచి బూత్ స్థాయి వరకు పార్టీని మరింత బలోపేతం చేసేందుకు ప్రతి ఒక్కరు కృషి చేయాలని పార్టీ నాయకులు, కార్యకర్తలకు పిలుపునిచ్చారు. ప్రజా సమస్యలపై నిరంతరం పోరాటం చేస్తూ పార్టీ సిద్ధాంతాలను ప్రజల్లోకి తీసుకెళ్లాలని సూచించారు.
ఈ సమావేశంలో మండల అధ్యక్షుడు జిర్రా మహిపాల్, సీనియర్ నాయకులు కర్క గంగారెడ్డి, పాల్ది దాస్, రాజమల్లు, సదానందం, నరేష్ గౌడ్, రవి, యువజన అధ్యక్షుడు రాజశేఖర్, కిసాన్ మోర్చా నాయకుడు రఘుపతి రెడ్డి, ఎస్టీ మోర్చా నాయకుడు అమృత్ నాయక్‌తో పాటు పలువురు బీజేపీ నాయకులు, కార్యకర్తలు పాల్గొన్నారు.
