నిరుపేదలకు సీఎం సహాయనిధి కొండంత అండ
రూ.10 లక్షల ఎల్ఓసీ అందజేసిన ఎమ్మెల్యే డాక్టర్ భూపతిరెడ్డి…
త్రిశూల్ న్యూస్ ధర్పల్లీ మండల్ రిపోర్టర్ బిల్ల నవీన్
నిజామాబాద్ జిల్లా : నిరుపేదలకు అత్యవసర వైద్య చికిత్సల సమయంలో ముఖ్యమంత్రి సహాయనిధి కొండంత అండగా నిలుస్తోందని నిజామాబాద్ రూరల్ ఎమ్మెల్యే డాక్టర్ భూపతిరెడ్డి అన్నారు.
ధర్పల్లి మండలం దుబ్బాక గ్రామానికి చెందిన తలారి రాములు హైదరాబాద్లోని నిమ్స్ ఆసుపత్రిలో చికిత్స పొందుతున్నారు. ఆయనకు శస్త్రచికిత్స అవసరం కావడంతో వైద్య ఖర్చుల నిమిత్తం ముఖ్యమంత్రి సహాయనిధి నుంచి రూ.10 లక్షల ఎల్ఓసీ మంజూరైంది.
ఈ మేరకు మంగళవారం ఎమ్మెల్యే డాక్టర్ భూపతిరెడ్డి తన క్యాంపు కార్యాలయంలో బాధిత కుటుంబ సభ్యులకు రూ.10 లక్షల ఎల్ఓసీని అందజేశారు. ఈ సందర్భంగా ఎమ్మెల్యే మాట్లాడుతూ.. ఆర్థిక ఇబ్బందులతో బాధపడుతున్న నిరుపేదలకు మెరుగైన వైద్యం అందించడంలో సీఎం సహాయనిధి ఎంతగానో ఉపయోగపడుతోందని పేర్కొన్నారు.
ప్రభుత్వం అందిస్తున్న ఈ ఆర్థిక సహాయాన్ని సద్వినియోగం చేసుకోవాలని తెలిపారు. ఎల్ఓసీ మంజూరుకు సహకరించిన ఎమ్మెల్యే డాక్టర్ భూపతిరెడ్డికి బాధిత కుటుంబ సభ్యులు కృతజ్ఞతలు తెలిపారు.

























