గ్రామంలో ప్రశాంత వాతావరణంలో గణేష్ నవరాత్రులునిర్వహించుకోవాలి: – కమ్మర్పల్లి SI సిహెచ్ సతీష్…
త్రిశూల్ న్యూస్ రిపోర్టర్ గుర్రం నరేష్…
రానున్న వినాయక చవితి నవరాత్రి ఉత్సవాలను పురస్కరించుకొని కమ్మర్పల్లి మండలంలోని కోనాసముందర్ గ్రామంలో స్థానిక ఎస్ఐ ,సిహెచ్. సతీష్ ఆధ్వర్యంలో పోలీసు శాఖ తరఫున ప్రత్యేక అవగాహన సదస్సు నిర్వహించారు. గణేష్ నవరాత్రి ఉత్సవాలను ప్రశాంతంగా, ఆధ్యాత్మిక వాతావరణంలో, శాంతిభద్రతలకు విఘాతం కలగకుండా ఎలా జరుపుకోవాలో ఈ సమావేశంలో గ్రామస్థులకు ఎస్ఐ విడమరిచి చెప్పారు.
సమావేశంలో ఎస్ఐ తెలిపిన ముఖ్య అంశాలు:
మండపాల ఏర్పాటుకు, మైక్ సెట్ల వినియోగానికి పోలీసు శాఖ,సంబంధిత అధికారుల నుండి అనుమతులు తీసుకోవాలి.
భద్రతా చర్యలు: మండపాల వద్ద విద్యుత్ ప్రమాదాలు జరగకుండా తగిన జాగ్రత్తలు తీసుకోవాలని, రాత్రి వేళల్లో మండపాల వద్ద నిర్వాహకులు ఎల్లప్పుడూ అందుబాటులో ఉండాలని సూచించారు.
పరిమితులకు లోబడి మైక్ సెట్లు వాడాలి , డీజేలకు అనుమతి లేదు. సుప్రీంకోర్టు నిబంధనల ప్రకారం నిర్దేశిత పరిమితులకు లోబడి మాత్రమే సౌండ్ సిస్టమ్స్ ఉపయోగించాలి.
శాంతిభద్రతల పరిరక్షణ: మద్యం సేవించి మండపాల వద్ద గొడవలు సృష్టిస్తే చట్టపరమైన చర్యలు తప్పవని హెచ్చరించారు.
నిమజ్జన ఊరేగింపులను ప్రశాంత వాతావరణంలో ముగించాలని కోరారు.
గ్రామంలో ఎలాంటి అవాంఛనీయ సంఘటనలు జరగకుండా పోలీసు శాఖకు పూర్తి సహకారం అందిస్తామని, ఉత్సవాలను సామరస్యపూర్వకంగా జరుపుకుంటామని గ్రామ పెద్దలు, యువకులు హామీ ఇచ్చారు.
ఈ కార్యక్రమంలో సర్పంచ్ రాకేష్, వీడిసి (VDC) చైర్మన్ గంగాధర్ , ఉప సర్పంచ్ శంకర్ , జైడి శ్రీనివాస్, గ్రామ పెద్దలు, గ్రామ యువకులు, యువజన సంఘాలు , గ్రామస్తులు పాల్గొన్నారు.
