బీబీపేట సంస్కార్ పాఠశాలలో ఘనంగా శ్రీకృష్ణ జన్మాష్టమి వేడుకలు..
త్రిశూల్ న్యూస్ రిపోర్టర్ లింగం
బీబీపేట: సంస్కార్ పాఠశాలలో శ్రీకృష్ణ జన్మాష్టమి వేడుకలు శుక్రవారం ఘనంగా నిర్వహించారు. ఈ సందర్భంగా విద్యార్థులు శ్రీకృష్ణుడు, రాధాదేవి వేషధారణలో ముస్తాబై అలరించారు. చిన్నారుల అద్భుత వేషధారణలు, చక్కటి ప్రదర్శనలు అందరినీ ఆకట్టుకున్నాయి.
వేడుకల్లో భాగంగా ఉట్టి కొట్టే కార్యక్రమాన్ని ఉత్సాహంగా నిర్వహించారు. విద్యార్థులు ఆటపాటలు, సాంస్కృతిక కార్యక్రమాలతో సందడి చేశారు. పాఠశాల ప్రాంగణం శ్రీకృష్ణ నామస్మరణతో, చిన్నారుల సందడితో ఆహ్లాదకరంగా మారింది.
ఈ కార్యక్రమంలో పాఠశాల యాజమాన్యం, ప్రధానోపాధ్యాయులు, ఉపాధ్యాయులు, విద్యార్థులు పాల్గొని వేడుకలను విజయవంతం చేశారు. విద్యార్థుల్లో భారతీయ సంస్కృతి, సంప్రదాయాలు, భక్తిభావాన్ని పెంపొందించేందుకు ఇలాంటి కార్యక్రమాలు ఎంతో దోహదపడతాయని పాఠశాల యాజమాన్యం పేర్కొంది.
