పీఏసీఎస్ ఆధ్వర్యంలో వరి ధాన్యం కొనుగోలు కేంద్రం ప్రారంభం
రైతులు మద్దతు ధర పొందేలా కొనుగోలు కేంద్రాలను వినియోగించుకోవాలి…
త్రిశూల్ న్యూస్ ధర్పల్లీ మండల్ రిపోర్టర్ బిల్ల నవీన్
ధర్పల్లి: నిజామాబాద్ జిల్లా ధర్పల్లి మండలంలోని వాడి గ్రామంలో సోమవారం పీఏసీఎస్ ఆధ్వర్యంలో వరి ధాన్యం కొనుగోలు కేంద్రాన్ని డీసీసీ వైస్ ప్రెసిడెంట్ ఆర్మూర్ చిన్న బాల్‌రాజ్, పీఏసీఎస్ చైర్మన్ వెంకంగారి జనార్దన్ రెడ్డి ప్రారంభించారు.
ఈ సందర్భంగా వారు మాట్లాడుతూ.. ఏ గ్రేడ్ ధాన్యానికి క్వింటాలుకు రూ.2,461, సాధారణ రకం ధాన్యానికి క్వింటాలుకు రూ.2,441 మద్దతు ధర నిర్ణయించినట్లు తెలిపారు. రైతులు దళారుల మోసాలకు గురికాకుండా ప్రభుత్వం ఏర్పాటు చేసిన కొనుగోలు కేంద్రాల్లోనే ధాన్యాన్ని విక్రయించి, మద్దతు ధర పొందాలని సూచించారు.
ఈ కార్యక్రమంలో కాంగ్రెస్ పార్టీ మండల అధ్యక్షుడు గాదె నరేష్, ఏఓ వెంకటేష్ నేత, సర్పంచ్ కట్ట గంగామోహన్, ధర్పల్లి సొసైటీ చైర్మన్ చిన్నారెడ్డి, వైస్ చైర్మన్ మామిడి రాములు, ఏఎంసీ డైరెక్టర్ మంగ్హ్య నాయక్, వార్డు సభ్యులు, గ్రామస్తులు తదితరులు పాల్గొన్నారు.
