ధర్పల్లి మండల ప్రజావాణికి మూడు ఫిర్యాదులు
16 మంది అధికారులు హాజరు.. వివిధ శాఖలకు సంబంధించి ఫిర్యాదుల స్వీకరణ…
త్రిశూల్ న్యూస్ ధర్పల్లీ మండల్ రిపోర్టర్ బిల్ల నవీన్
ధర్పల్లి: నిజామాబాద్ జిల్లా ధర్పల్లి మండల పరిషత్ కార్యాలయంలో సోమవారం మండల స్థాయి ప్రజావాణి కార్యక్రమాన్ని నిర్వహించారు. ఈ కార్యక్రమానికి 16 మంది అధికారులు హాజరుకాగా, వివిధ శాఖలకు సంబంధించి మొత్తం మూడు ఫిర్యాదులు అందినట్లు ఎంపీడీవో బి. మారుతి తెలిపారు.
ప్రజావాణిలో ఇందిరమ్మ ఇళ్లు, రెవెన్యూ, అటవీ శాఖలకు సంబంధించి ఒక్కో ఫిర్యాదు చొప్పున మొత్తం మూడు ఫిర్యాదులు అందినట్లు పేర్కొన్నారు.
ప్రజలు తమ సమస్యలను ప్రజావాణి ద్వారా అధికారుల దృష్టికి తీసుకురావాలని, అందిన ఫిర్యాదులను సంబంధిత శాఖల అధికారులు పరిశీలించి, సమస్యల పరిష్కారానికి తగిన చర్యలు తీసుకోవాలని సూచించారు.
