ధర్పల్లిలో రెండు రోజుల పాటు ప్రత్యేక ఓటరు నమోదు శిబిరం…
త్రిశూల్ న్యూస్ ధర్పల్లీ మండల్ రిపోర్టర్ బిల్ల నవీన్
ధర్పల్లి: నిజామాబాద్ జిల్లా ధర్పల్లి మండలంలో ఈ నెల 15, 16 తేదీల్లో రెండు రోజుల పాటు ప్రత్యేక ఓటరు నమోదు శిబిరాన్ని (స్పెషల్ క్యాంపెయిన్ డే) నిర్వహించనున్నట్లు తహసీల్దార్ టి. శాంత తెలిపారు.
2026 అక్టోబర్ 1 నాటికి 18 సంవత్సరాలు నిండిన యువతీ యువకులు కొత్తగా ఓటరు జాబితాలో తమ పేర్లను నమోదు చేసుకోవాలని ఆమె సూచించారు.
ఈ రెండు రోజుల పాటు ధర్పల్లి జడ్పీహెచ్‌ఎస్ ఉన్నత పాఠశాలలో బీఎల్‌ఓలు అందుబాటులో ఉంటారని తెలిపారు. అర్హులైన యువతీ యువకులు ఈ అవకాశాన్ని సద్వినియోగం చేసుకుని ఓటరు జాబితాలో తమ పేర్లను నమోదు చేసుకోవాలని తహసీల్దార్ టి. శాంత కోరారు.
