కొడంగల్‌లో సీఎం రేవంత్ రెడ్డిని మర్యాదపూర్వకంగా కలిసిన ఎమ్మెల్యే డా. ఆర్. భూపతిరెడ్డి!
ముఖ్యమంత్రి జన్మదినం, దీపావళి సందర్భంగా ప్రత్యేక భేటీ.. సీఎం‌ను ఆత్మీయంగా ఆలింగనం చేసుకుని జన్మదిన శుభాకాంక్షలు తెలిపిన ఎమ్మెల్యే…
త్రిశూల్ న్యూస్ రిపోర్టర్ ప్రభాకర్
తెలంగాణ రాష్ట్ర ముఖ్యమంత్రి ఎనుముల రేవంత్ రెడ్డిని నిజామాబాద్ రూరల్ ఎమ్మెల్యే డా. ఆర్. భూపతిరెడ్డి మర్యాదపూర్వకంగా కలిశారు. ముఖ్యమంత్రి జన్మదినం, దీపావళి పండుగను పురస్కరించుకుని ఆదివారం సీఎం సొంత నియోజకవర్గమైన కొడంగల్‌లో ఆయనతో ప్రత్యేకంగా భేటీ అయ్యారు.
ఈ సందర్భంగా ఎమ్మెల్యే డా. ఆర్. భూపతిరెడ్డి ముఖ్యమంత్రి రేవంత్ రెడ్డిని ఆత్మీయంగా ఆలింగనం చేసుకుని జన్మదిన శుభాకాంక్షలు తెలిపారు. ముఖ్యమంత్రి ఆయురారోగ్యాలతో, సుఖసంతోషాలతో నిండు నూరేళ్లు జీవించాలని, తెలంగాణ రాష్ట్రాన్ని అభివృద్ధి పథంలో మరింత ముందుకు నడిపిస్తూ ప్రజల ఆకాంక్షలను నెరవేర్చాలని ఆకాంక్షించారు.
అదేవిధంగా దీపావళి పండుగ శుభాకాంక్షలు తెలియజేస్తూ రాష్ట్ర ప్రజలందరి జీవితాల్లో సుఖసంతోషాలు, సిరిసంపదలు వెల్లివిరియాలని, ప్రతి ఇంటా ఆనందాల వెలుగులు నిండాలని కోరుకున్నారు.
ముఖ్యమంత్రి జన్మదిన వేడుకల నేపథ్యంలో కొడంగల్‌లో జరిగిన ఈ భేటీ ఆత్మీయ, స్నేహపూర్వక వాతావరణంలో సాగింది.
