స్కౌట్స్ అండ్ గైడ్స్ శిక్షణలో ఘనంగా దీక్షా స్వీకార మహోత్సవం
ఉత్సాహంగా కొనసాగుతున్న నిజామాబాద్ ఉపాధ్యాయుల బేసిక్ ట్రైనింగ్ క్యాంప్…
త్రిశూల్ న్యూస్ రిపోర్టర్ కూనే జితేందర్
నిజామాబాద్: జిల్లా ఉపాధ్యాయుల కోసం సంగారెడ్డి జిల్లా లింగంపల్లిలోని భారత్ స్కౌట్స్ అండ్ గైడ్స్ శిక్షణా కేంద్రంలో నిర్వహిస్తున్న స్కౌట్స్ మాస్టర్, గైడ్స్ కెప్టెన్ బేసిక్ ట్రైనింగ్ క్యాంప్ ఉత్సాహభరిత వాతావరణంలో కొనసాగుతోంది. శిక్షణలో భాగంగా ఐదో రోజైన శుక్రవారం ఉపాధ్యాయులతో దీక్షా స్వీకార మహోత్సవాన్ని ఘనంగా నిర్వహించారు.
ట్రైనింగ్ మాస్టర్లు సోలోమన్, రాజుల పర్యవేక్షణలో ఈ కార్యక్రమం జరిగింది. ఈ సందర్భంగా శిక్షణ పొందుతున్న ఉపాధ్యాయులందరూ స్కౌట్స్ అండ్ గైడ్స్ నియమ నిబంధనలకు కట్టుబడి ఉంటామని ప్రతిజ్ఞ చేశారు. పాఠశాల స్థాయి నుంచే విద్యార్థుల్లో క్రమశిక్షణ, సేవాభావం, దేశభక్తి వంటి విలువలను పెంపొందించేందుకు కృషి చేస్తామని దీక్ష తీసుకున్నారు.
ఈ సందర్భంగా ట్రైనింగ్ మాస్టర్లు మాట్లాడుతూ.. శిక్షణలో భాగంగా నిర్వహిస్తున్న వివిధ కార్యక్రమాలు ఉపాధ్యాయుల్లో నూతనోత్సాహాన్ని నింపుతున్నాయని తెలిపారు. విద్యార్థులను సమాజానికి ఉపయోగపడే ఉత్తమ పౌరులుగా తీర్చిదిద్దేందుకు ఈ శిక్షణ ఎంతగానో దోహదపడుతుందని పేర్కొన్నారు.
ఈ కార్యక్రమంలో లీడర్ ఆఫ్ ట్రైనింగ్ గిరిజా దేవి, మోహన్ కుమార్, ధనలక్ష్మి, వందనతో పాటు నిజామాబాద్ జిల్లాకు చెందిన ఉపాధ్యాయులు ఘనపురం దేవేందర్, దస్తగిరి, సి. శ్రీనివాస్, గంగాధర్, వేణుగోపాల్, సుబ్బన్న, రమేష్, డి. రవిప్రసాద్, నాగభూషణం, శ్రీనివాస్, స్వప్న, రేవతి, ఝాన్సీ రాణి, గోదావరి, అపర్ణ తదితర ఉపాధ్యాయులు, శిక్షకులు పాల్గొన్నారు.

























