500 సివిల్ అసిస్టెంట్ సర్జన్ పోస్టులు.. మెరిట్ లిస్ట్ విడుదల…
Jul 15, 2026, తెలంగాణలో ప్రభుత్వ ఆసుపత్రుల్లో సివిల్ అసిస్టెంట్ సర్జన్ పోస్టుల భర్తీ ప్రక్రియ తుది దశకు చేరుకుంది. మెడికల్ అండ్ హెల్త్ సర్వీసెస్ రిక్రూట్మెంట్ బోర్డు బుధవారం నాలుగు కీలక విభాగాలకు సంబంధించిన 500 పోస్టుల ప్రొవిజనల్ మెరిట్ లిస్ట్ను విడుదల చేసింది. జనరల్ సర్జరీ (174), జనరల్ మెడిసిన్ (166), ఆర్థోపెడిక్స్ (89), రేడియాలజీ (71) విభాగాల్లో ఈ పోస్టులు ఉన్నాయి. జూలై 17 నుంచి 20 వరకు హైదరాబాద్లో సర్టిఫికేట్ వెరిఫికేషన్ జరగనుంది. అనివార్య కారణాల వల్ల హాజరు కాలేని వారికి జూలై 21 రిజర్వ్ డేగా కేటాయించారు. పూర్తి వివరాలకు mhsrb.telangana.gov.in ను సందర్శించవచ్చు.
