మరియ తండాలో ఇందిరమ్మ ఇంటి నిర్మాణానికి భూమిపూజ…
త్రిశూల్ న్యూస్ ధర్పల్లీ మండల్ రిపోర్టర్ బిల్ల నవీన్
ధర్పల్లి: నిజామాబాద్ జిల్లా ధర్పల్లి మండలంలోని మరియ తండాలో ఇందిరమ్మ ఇంటి నిర్మాణ పనులకు నిజామాబాద్ రూరల్ ఎమ్మెల్యే డాక్టర్ ఆర్. భూపతిరెడ్డి, గ్రామ సర్పంచ్ గుగ్లోత్ జ్యోతి గణేష్‌తో కలిసి భూమిపూజ నిర్వహించారు. ఈ సందర్భంగా లబ్ధిదారుడి ఇంటి నిర్మాణ పనులకు శ్రీకారం చుట్టారు.
అర్హులైన పేదలకు సొంతింటి కలను సాకారం చేయడమే లక్ష్యంగా ప్రభుత్వం ఇందిరమ్మ ఇళ్ల పథకాన్ని అమలు చేస్తోందని ఈ సందర్భంగా పేర్కొన్నారు.
ఈ కార్యక్రమంలో డీసీసీ ఉపాధ్యక్షుడు ఆర్మూర్ చిన్న బాల్‌రాజ్, మండల సర్పంచుల ఫోరం అధ్యక్షుడు చెలిమెల శ్రీనివాస్, గాదె నరేష్, పుప్పాల సుభాష్, చక్రపాణి, సురేందర్ గౌడ్‌తో పాటు పలువురు కాంగ్రెస్ నాయకులు పాల్గొన్నారు.
