రాష్ట్ర స్థాయి జూనియర్ సాఫ్ట్‌బాల్ పోటీల్లో బంగారు పతకం సాధించిన తొర్లికొండ విద్యార్థిని గేడం సంజు భాయి…
త్రిశూల్ న్యూస్ రిపోర్టర్ నాయుడి ప్రభాకర్…
తొర్లికొండ: నిర్మల్ జిల్లా ఎన్టీఆర్ స్టేడియంలో అక్టోబర్ 31 నుంచి నవంబర్ 2వ తేదీ వరకు నిర్వహించిన 12వ రాష్ట్ర స్థాయి జూనియర్ సాఫ్ట్‌బాల్ పోటీల్లో జిల్లా పరిషత్ ఉన్నత పాఠశాల ZPHS తొర్లికొండ విద్యార్థిని గేడం సంజు భాయి అద్భుత ప్రతిభ కనబరిచి బంగారు పతకం సాధించింది.
ఈ పోటీల్లో నిజామాబాద్ జిల్లా జట్టు తరఫున ప్రాతినిధ్యం వహించిన సంజు భాయి తన క్రీడా నైపుణ్యాన్ని ప్రదర్శిస్తూ జట్టు విజయానికి కీలకపాత్ర పోషించింది. జిల్లా జట్టు రాష్ట్ర స్థాయిలో ప్రథమ స్థానం సాధించడంలో తన వంతు కృషి చేసి బంగారు పతకాన్ని అందుకుంది.
ఈ సందర్భంగా పాఠశాల ఫిజికల్ డైరెక్టర్ మర్కంటి గంగా మోహన్ మాట్లాడుతూ, విద్యార్థిని సంజు భాయి రాష్ట్ర స్థాయి పోటీల్లో బంగారు పతకం సాధించడం పాఠశాలకు, గ్రామానికి గర్వకారణమని తెలిపారు.
విద్యార్థిని గేడం సంజు భాయిని పాఠశాల ప్రధానోపాధ్యాయులు, జక్రాన్‌పల్లి మండల విద్యాధికారి మూడెడ్ల శ్రీనివాస్ అభినందించి భవిష్యత్తులో మరిన్ని ఉన్నత విజయాలు సాధించాలని ఆకాంక్షించారు.
