కమలాపూర్ ప్రభుత్వ ఉన్నత పాఠశాలలో అవకతవకలపై సమగ్ర విచారణ చేపట్టాలి
ఇందల్వాయి ప్రభుత్వ పాఠశాలలు, కేజీబీవీ చుట్టూ ప్రహరీ గోడలు నిర్మించాలి…
త్రిశూల్ న్యూస్ రిపోర్టర్ ప్రభాకర్
నిజామాబాద్ జిల్లా డిచ్‌పల్లి మండలం కమలాపూర్ గ్రామంలోని ప్రభుత్వ ఉన్నత పాఠశాలలో జరిగినట్లు ఆరోపణలు వస్తున్న అవకతవకలపై సమగ్ర విచారణ చేపట్టాలని డిమాండ్ చేస్తూ పిడిఎస్‌యూ నాయకులు ప్రజావాణిలో అదనపు కలెక్టర్ భుజంగరావుకు వినతిపత్రం సమర్పించారు.
అదేవిధంగా ఇందల్వాయి మండలంలోని ప్రభుత్వ ఉన్నత పాఠశాలలు, కేజీబీవీ పాఠశాల చుట్టూ ప్రహరీ గోడలు నిర్మించి విద్యార్థులకు భద్రత కల్పించాలని వారు కోరారు. విద్యార్థుల సమస్యలను పరిష్కరించేందుకు అధికారులు తక్షణ చర్యలు చేపట్టాలని పిడిఎస్‌యూ నాయకులు డిమాండ్ చేశారు.
