నేడు కేంద్ర కేబినెట్ సమావేశం.. పొదుపుపై ప్రధాని మోదీ చర్చ…
_ప్రధాన మంత్రి నరేంద్ర మోదీ అధ్యక్షతన నేడు ఉదయం 11 గంటలకు కేంద్ర మంత్రివర్గ సమావేశం జరగనుంది. ఈ సమావేశం పశ్చిమాసియా సంక్షోభం, పెరుగుతున్న గ్లోబల్ ఆయిల్ ధరలు, భారత్ ఫారిన్ ఎక్స్చేంజ్ రిజర్వులపై ప్రభావం పరిస్థితుల మధ్య జరుగుతోంది._
_ప్రధాని మోదీ ఇటీవల చేసిన ఇంధన సంరక్షణ, వర్క్ ఫ్రమ్ హోమ్ (WFH), ఆన్లైన్ క్లాసులు, బంగారం కొనుగోళ్ల వాయిదా వంటి సూచనలపై అధికారికంగా చర్చించి, సంబంధిత కీలక నిర్ణయాలు తీసుకునే అవకాశం ఉంది._
*_ప్రధాని మోదీ ఏమన్నారు?:_*
_ప్రధాని నరేంద్ర మోదీ ఇటీవల హైదరాబాద్లో జరిగిన కార్యక్రమంలో ప్రజలను వంట నూనెలు, పెట్రోల్, డీజిల్, గ్యాస్ వాడకం తగ్గించుకోవాలనీ, పబ్లిక్ ట్రాన్స్పోర్ట్, మెట్రో, కార్ పూలింగ్ వాడాలనీ, విద్యుత్ వాహనాలు (EVs), రైల్వే ద్వారా సరుకు రవాణా ప్రోత్సహించాలని పిలుపునిచ్చారు. కోవిడ్ కాలంలో వాడిన వర్క్ ఫ్రమ్ హోమ్, వర్చువల్ మీటింగ్స్, ఆన్లైన్ క్లాసులను మళ్లీ అమలు చేయాలని సూచించారు. అనవసర విదేశీ ప్రయాణాలు తగ్గించుకోవాలనీ, ఒక సంవత్సరం బంగారం కొనుగోళ్లు వాయిదా వేయాలనీ, స్వదేశీ ఉత్పత్తులు వాడాలని ఆయన అభ్యర్థించారు. ఇవి దేశ ఆర్థిక స్థిరత్వం, విదేశీ మారక నిల్వలను కాపాడుకోవడం కోసం అవసరమని స్పష్టం చేశారు._
*_కేబినెట్ సమావేశం ఎందుకు ముఖ్యం?_*
_మనీకంట్రోల్ ప్రకారం, ఈ సమావేశంలో ఇంధన సంరక్షణ చర్యలు, WFH అడ్వైజరీలు, ఆన్లైన్ ఎడ్యుకేషన్, సప్లై చైన్ సంరక్షణపై చర్చ జరగవచ్చు. రక్షణ మంత్రి రాజ్నాథ్ సింగ్ అధ్యక్షతన ఇన్ఫార్మల్ ఎంపవర్డ్ గ్రూప్ ఆఫ్ మినిస్టర్స్ (IGoM) ఇప్పటికే మారిటైమ్ సెక్యూరిటీ, ఎనర్జీ సప్లైలపై సమీక్ష చేసింది. కేబినెట్ ఈ చర్చలను ముందుకు తీసుకెళ్లి, సంబంధిత డిపార్ట్మెంట్లకు ఆదేశాలు జారీ చేయవచ్చు. ఇంధన ధరల పెరుగుదల, ధరల సర్దుబాటు, హైబ్రిడ్ వర్క్ పాలసీలపై కూడా నిర్ణయాలు రావచ్చని అంచనాలు ఉన్నాయి._
*_ఆర్థిక ప్రభావం, భారత్ సవాళ్లు:_*
_భారత్ తన ఆయిల్ అవసరాలలో 85-90% దిగుమతి చేసుకుంటోంది. ఇరాన్, అమెరికా సంక్షోభం_ _కారణంగా ప్రపంచ చమురు ధరలు పెరిగి, దేశ దిగుమతి బిల్లు,_ _రూపాయి విలువపై ఒత్తిడి పెరిగింది. ప్రధాని సూచనల ద్వారా ప్రజలు ఇంధన వాడకం తగ్గిస్తే, బిలియన్ల డాలర్లు సేవ్ అవుతాయని అంచనా. రైల్వే, మెట్రో, EVs ప్రోత్సాహం ద్వారా వాయు కాలుష్యం కూడా తగ్గుతుంది. ఇది ఆత్మనిర్భర్ భారత్ దిశగా మరో అడుగు అంటున్నారు._
_ఎలాంటి నిర్ణయాలు ఉండొచ్చు?_
– _ప్రభుత్వ, ప్రైవేట్ ఆఫీసుల్లో WFH/హైబ్రిడ్ మోడల్ను ప్రోత్సహించే గైడ్లైన్స్._
– _స్కూళ్లు, కాలేజీల్లో ఆన్లైన్ క్లాసుల ప్రోత్సాహం._
– _ఇంధన సంరక్షణ కోసం పబ్లిక్ అవేర్నెస్ క్యాంపెయిన్లు చేపట్టడం_
– _ఎక్స్పోర్ట్ ప్రోత్సాహం, దిగుమతులు తగ్గించే చర్యలు._
– _ఎనర్జీ సెక్యూరిటీ, సప్లై చైన్పై సమీక్ష._
ప్రజల ప్రతిస్పందన, డిబేట్: ప్రధాని సూచనలకు అనుకూల, ప్రతికూల ప్రతిస్పందనలు వచ్చాయి. ఐటీ, కార్పొరేట్ సెక్టర్లో WFH సాధ్యమని ఒక వర్గం మద్దతు తెలుపుతుంటే, మరో వర్గం ఆఫీస్ వర్క్కి ప్రాధాన్యం ఇవ్వాలని వాదిస్తోంది. కొందరు ఉద్యోగులు ఒక సంవత్సరం WFH కోసం HRకు మెయిల్స్ పంపుతున్నారు. ఇది దేశవ్యాప్త చర్చనీయాంశమైంది. బంగారం, విదేశీ ప్రయాణాలు, వెజిటబుల్ ఆయిల్, ఎరువులు వంటి దిగుమతులపై కూడా ఆంక్షలు లేదా ప్రోత్సాహాలు రావచ్చు.
ఈ కేబినెట్ సమావేశం.. భారత్ ఆర్థిక సవాళ్లను ఎదుర్కోవడంలో కీలకమవుతుంది. ప్రజలందరూ ప్రధాని పిలుపును ఆచరణలో పెట్టడం ద్వారా దేశానికి మద్దతు ఇవ్వాలని కేంద్రం చెబుతోంది. జాతీయ హితం కోసం అందరి సహకారం అవసరం అంటోంది.
