50 ఏళ్ల తర్వాత ఒకే వేదికపై కలిసిన శ్రీ నూతన వైశ్య ఉన్నత పాఠశాల పూర్వ విద్యార్థులు.. స్వర్ణోత్సవ వేడుకలు ఘనం
నిజామాబాద్ నగరంలోని శ్రీ నూతన వైశ్య ఉన్నత పాఠశాలలో 1976–77 విద్యా సంవత్సరంలో పదో తరగతి చదివిన పూర్వ విద్యార్థులు 50 ఏళ్ల స్వర్ణోత్సవ వేడుకలను ఘనంగా నిర్వహించారు. నిజామాబాద్ నగరంలోని ఓ ప్రైవేట్ ఫంక్షన్ హాల్‌లో జరిగిన ఈ ఆత్మీయ కలయికలో పూర్వ విద్యార్థులు పాత జ్ఞాపకాలను గుర్తు చేసుకుంటూ ఆనందంగా గడిపారు.
నిజామాబాద్ నగరంలోని ఓ ప్రైవేట్ ఫంక్షన్ హాల్‌లో శ్రీ నూతన వైశ్య ఉన్నత పాఠశాలలో 1976–77 విద్యా సంవత్సరంలో పదో తరగతి చదివిన పూర్వ విద్యార్థుల స్వర్ణోత్సవ వేడుకలు ఘనంగా నిర్వహించారు.
సుమారు 50 సంవత్సరాల తర్వాత ఒకే వేదికపై కలుసుకున్న పూర్వ విద్యార్థులు తమ పాఠశాల రోజుల మధుర జ్ఞాపకాలను నెమరువేసుకున్నారు. చిన్ననాటి స్నేహితులను, తరగతి గది అనుభవాలను గుర్తు చేసుకుంటూ భావోద్వేగానికి గురయ్యారు.
తమకు విద్యాబుద్ధులు నేర్పి జీవితంలో ఉన్నత స్థాయికి చేరుకునేలా మార్గనిర్దేశం చేసిన గురువులను ఘనంగా సత్కరించి కృతజ్ఞతలు తెలిపారు.
ఈ సందర్భంగా పూర్వ విద్యార్థులు మాట్లాడుతూ… ఐదు దశాబ్దాల తర్వాత అందరూ ఒకేచోట కలవడం ఎంతో ఆనందంగా ఉందని, ఇలాంటి కలయికలు స్నేహబంధాలను మరింత బలోపేతం చేస్తాయని పేర్కొన్నారు.
అనంతరం వయసును మరిచి ఆటపాటలతో సందడి చేశారు. డీజే సంగీతానికి ఉత్సాహంగా నృత్యాలు చేస్తూ వేడుకలను ఆనందోత్సాహాల మధ్య ముగించారు.
