ఘన్‌పూర్ రాజరాజేశ్వర చెరువులో మహిళ మృతదేహం కలకలం…
త్రిశూల్ న్యూస్ రిపోర్టర్ ప్రభాకర్
నిజామాబాద్ జిల్లా, డిచ్‌పల్లి మండలం: ఘన్‌పూర్ గ్రామంలోని రాజరాజేశ్వర చెరువులో ఓ వృద్ధ మహిళ మృతదేహం లభ్యమైంది. సమాచారం అందుకున్న పోలీసులు చెరువు వద్దకు చేరుకుని పరిశీలించగా, మృతురాలు ఘన్‌పూర్ గ్రామానికి చెందిన చేపూరు మల్లుబాయి (70), భర్త పెద్ద మల్లయ్యగా గుర్తించారు.
మృతురాలి కుమారుడు చేపూరు గంగమల్లయ్య ఇచ్చిన ఫిర్యాదు మేరకు పోలీసులు కేసు నమోదు చేసి దర్యాప్తు ప్రారంభించారు.
పోలీసుల ప్రాథమిక విచారణ ప్రకారం, 2021లో ఇంటి ముందు ఉన్న దారి విషయంలో పంచాయితీ జరగగా, దీనికి సంబంధించి క్రైమ్ నంబర్ 184/2021తో నమోదైన కేసు ప్రస్తుతం కోర్టు విచారణలో ఉంది. ఈ వివాదం కారణంగా మానసిక ఆవేదనకు గురై మల్లుబాయి చెరువులో దూకి ఆత్మహత్య చేసుకున్నట్లు ప్రాథమికంగా భావిస్తున్నారు.
ఈ ఘటనపై పోలీసులు మరింత విచారణ కొనసాగిస్తున్నారు.
