పౌర్ణమి సందర్భంగా 500 మందికి అన్నదానం
అన్నదాన కార్యక్రమం నిర్వహించడం అభినందనీయం: ప్రభుత్వ వైద్యశాల సూపరింటెండెంట్ డాక్టర్ వెంకటేశ్వర్లు…
త్రిశూల్ న్యూస్ రిపోర్టర్ గడిల లింగం
కామారెడ్డి: పౌర్ణమి సందర్భంగా శ్రీ పరంజ్యోతి కల్కి భగవతి భగవాన్ ఆలయం ఆధ్వర్యంలో కామారెడ్డి జిల్లా కేంద్రంలోని ప్రభుత్వ వైద్యశాలలో అన్నదాన కార్యక్రమాన్ని నిర్వహించారు. ఈ కార్యక్రమంలో సుమారు 500 మందికి అన్నప్రసాదాన్ని అందజేశారు.
ఈ కార్యక్రమానికి ముఖ్య అతిథిగా హాజరైన ప్రభుత్వ వైద్యశాల సూపరింటెండెంట్ డాక్టర్ వెంకటేశ్వర్లు మాట్లాడుతూ.. ఆలయం ఆధ్వర్యంలో అన్నదాన కార్యక్రమాన్ని నిర్వహించడం అభినందనీయమని అన్నారు. ప్రభుత్వ వైద్యశాలపై నమ్మకంతో అనేకమంది పేదలు వైద్యం కోసం వస్తుంటారని, అలాంటి వారికి అన్నదానం చేయడం ఎంతో ఉపయోగకరమని పేర్కొన్నారు. ఈ సేవా కార్యక్రమాన్ని నిర్వహిస్తున్న ఆలయ నిర్వాహకులను ఆయన అభినందించారు.
ప్రతి నెలా రూ.251 విరాళం అందిస్తున్న దాతలకు ప్రత్యేక పూజలు
ప్రతి నెలా రూ.251 చెల్లించి అన్నదాన కార్యక్రమానికి సహకరిస్తున్న దాతల పేర్లపై ఆలయంలో ప్రత్యేక పూజలు నిర్వహించి, వారి కుటుంబ సభ్యులకు శ్రీ పరంజ్యోతి భగవతి భగవానుల ఆశీస్సులు అందజేస్తున్నట్లు నిర్వాహకులు తెలిపారు.
ఈ అన్నదాన సేవా కార్యక్రమంలో భాగస్వాములు కావాలనుకునే వారు ప్రతి నెలా రూ.251 విరాళాన్ని ఎర్రం చంద్రశేఖర్‌కు 9849601438 నంబర్‌కు పంపించాలని నిర్వాహకులు విజ్ఞప్తి చేశారు.
ఈ కార్యక్రమంలో ఆలయ సేవకులు ఎర్రం చంద్రశేఖర్, ఎర్రం విజయ్ కుమార్, డాక్టర్ బాలు, కస్వ వెంకన్న, దొంతి సుధాకర్, ఎల్లంకి సుదర్శన్, కొమిరిశెట్టి దిగంబర్, పార్శి శ్రీనివాస్, సిద్ధంశెట్టి శ్రీనివాస్, ముస్త్యాల రమేష్, పిప్పిరిశెట్టి వెంకటేశం, గజవాడ రవికుమార్ తదితరులు పాల్గొన్నారు.
