మాదక ద్రవ్యాలు, సైబర్ నేరాలపై అవగాహన…
త్రిశూల్ న్యూస్ రిపోర్టర్ గడిల లింగం
కామారెడ్డి: జిల్లా బస్‌స్టాండ్‌ ఆవరణలో పోలీస్ కళాబృందం ఆధ్వర్యంలో ప్రయాణికులకు అవగాహన కార్యక్రమం నిర్వహించారు.
జిల్లా ఎస్పీ ఎం. రాజేష్‌చంద్ర ఆదేశాల మేరకు కార్యక్రమాన్ని చేపట్టారు.
మాదక ద్రవ్యాల వినియోగం, మైనర్లు వాహనాలు నడపడం, మద్యం సేవించి డ్రైవింగ్‌ చేయడం వల్ల కలిగే ప్రమాదాలను వివరించారు.
సైబర్ నేరాల పట్ల అప్రమత్తంగా ఉండాలని ప్రయాణికులకు సూచించారు.
గుర్తుతెలియని వ్యక్తులకు పాస్‌వర్డ్‌లు, ఓటీపీలు, వ్యక్తిగత సమాచారాన్ని వెల్లడించవద్దని తెలిపారు.
పాటలు, ఆటల ద్వారా పోలీస్ కళాబృందం ప్రయాణికులకు అవగాహన కల్పించింది.
సైబర్ నేరానికి గురైతే వెంటనే 1930కు సమాచారం ఇవ్వాలని సూచించారు.
మాదక ద్రవ్యాలకు సంబంధించిన సమాచారం 1908కు తెలియజేయాలని కోరారు.
అత్యవసర పరిస్థితుల్లో 112కు ఫోన్ చేయాలని తెలిపారు.
మహిళలు, బాలికల సమస్యల పరిష్కారానికి షీ బృందాలు అందుబాటులో షీ టీమ్ నెంబర్ 8712686094 సమాచారంఇవ్వాలని చెప్పారు.
కార్యక్రమంలో పోలీస్ కళాబృందం ఇన్‌చార్జి రామచంద్ర తిరుపతి, యు. శేషారావు, కానిస్టేబుళ్లు ప్రభాకర్, సాయిలు, షీ బృందం సభ్యులు భూమయ్య, ప్రవీణ తదితరులు పాల్గొన్నారు.
