వృథాగా పోతున్న తాగునీరు.. పట్టించుకోని అధికారులు…
త్రిశూల్ న్యూస్ రిపోర్టర్ నితీష్
వేల్పూర్: మండలంలోని పచ్చల నడుకూడా గ్రామంలో తాగునీరు వృథాగా పోతున్నా సంబంధిత అధికారులు, గ్రామపంచాయతీ పాలకులు పట్టించుకోవడం లేదని స్థానికులు ఆవేదన వ్యక్తం చేస్తున్నారు.
గ్రామపంచాయతీ కార్యాలయం సమీపంలోని నీటి ట్యాంక్‌ నుంచి లీకేజీలు ఏర్పడటంతో పాటు ఓవర్‌ఫ్లో కారణంగా పెద్దఎత్తున తాగునీరు రోడ్డుపక్కన చేరి వృథాగా పోతోందని గ్రామస్థులు తెలిపారు.
ఒకవైపు గ్రామాల్లో తాగునీటి సమస్యలు ఎదురవుతున్న సమయంలో.. మరోవైపు విలువైన తాగునీరు ఇలా వృథాగా పోతుండటంపై స్థానికులు ఆగ్రహం వ్యక్తం చేస్తున్నారు. పలుమార్లు సమస్యను సంబంధిత అధికారుల దృష్టికి తీసుకెళ్లినా పట్టించుకోవడం లేదని వారు ఆరోపిస్తున్నారు.
తక్షణమే నీటి ట్యాంక్‌ లీకేజీలను అరికట్టి, ఓవర్‌ఫ్లో సమస్యకు పరిష్కారం చూపి తాగునీటి వృథాను నివారించాలని గ్రామస్థులు కోరుతున్నారు. అధికారులు స్పందించి సమస్యను వెంటనే పరిష్కరించాలని విజ్ఞప్తి చేస్తున్నారు.
