సిరాతుల్ నబీ జల్సా కార్యక్రమ విజయవంతం.
సిరాతుల్ నబీ ప్రాముఖ్యతను వివరించిన మౌలానా అతిక్ సాబ్…
త్రిశూల్ న్యూస్ రిపోర్టర్ కూనే జితేందర్
భీమ్‌గల్, అక్టోబర్ 3 : నిజామాబాద్ జిల్లా భీమ్‌గల్ పట్టణంలోని బాపూజీ నగర్ కాలనీలోని మక్కా మసీదు కమిటీ ఆధ్వర్యంలో శుక్రవారం రాత్రి సిరాతుల్ నబీ జల్సా కార్యక్రమాన్ని నిర్వహించారు.ప్రతి సంవత్సరం నిర్వహిస్తున్న సంప్రదాయంలో భాగంగా ఈ ఏడాది కూడా కార్యక్రమాన్ని ఘనంగా నిర్వహించారు. ఈ కార్యక్రమానికి జహీరాబాద్ జిల్లా నుంచి మౌలానా అతిక్ సాహెబ్ ముఖ్యఅతిథిగా హాజరయ్యారు.ఈ సందర్భంగా మౌలానా మాట్లాడుతూ,సిరాతుల్ నబీ కార్యక్రమం ప్రాముఖ్యతను వివరించారు. అన్ని మతాలను గౌరవించడం ప్రతి ఒక్కరి బాధ్యత అని అన్నారు. తల్లిదండ్రులను గౌరవిస్తూ, వారు తమతో ఉన్నంతకాలం వారికి అన్ని విధాలుగా సేవలందించాలని సూచించారు.తల్లిదండ్రులను నిర్లక్ష్యం చేస్తే భగవంతుడి ముందు సమాధానం చెప్పాల్సి ఉంటుందని తెలిపారు. ప్రస్తుత సమాజంలో యువత ఎక్కువ సమయం మొబైల్ ఫోన్లకు కేటాయిస్తూ తల్లిదండ్రులు, పెద్దలను గౌరవించడాన్ని విస్మరిస్తున్నారని అన్నారు. యువత మొబైల్ ఫోన్లకు బానిస కాకుండా ఐదు పూటలా నమాజ్ చేయడంతో పాటు ప్రతిరోజూ ఖురాన్ చదవాలని సూచించారు. తల్లిదండ్రులతో పాటు పేదలు, అవసరంలో ఉన్నవారిని గౌరవిస్తూ సమాజంలో మంచి గుర్తింపు పొందాలని పిలుపునిచ్చారు.ఈ కార్యక్రమంలో ముఫ్తీ షాకత్ బేగ్, మోసిన్,మౌలానా జమీల్, ఆఫీస్ సిరాజ్, ఆఫీస్ రియాజ్, ఆఫీస్ మోసిన్, ఆఫీస్ జలాల్, మక్కా మసీదు కమిటీ సభ్యులు, కాలనీవాసులు తదితరులు పాల్గొన్నారు.
