జోనల్ వాలీబాల్ పోటీలకు ఎంపికైన శ్రీ మేధా విద్యార్థిని గుగ్లోత్ వర్షిణి …
త్రిశూల్ న్యూస్ రిపోర్టర్ బిల్లా నవీన్…
నిజామాబాదు జిల్లా ధర్పల్లి మండలంలోని శ్రీ మేధా హైస్కూల్ విద్యార్థిని గుగ్లోత్ వర్షిణి వాలీబాల్ క్రీడల్లో ప్రతిభ చాటుకుంది. సోమవారం నిర్వహించిన సబ్‌జూనియర్ వాలీబాల్ ఎంపిక పోటీల్లో పాఠశాలలో 7వ తరగతి చదువుతున్న వర్షిణి అద్భుత ప్రతిభ కనబరిచి జోనల్ స్థాయి వాలీబాల్ పోటీలకు ఎంపికైంది.
చిన్న వయసులోనే క్రీడల పట్ల ఆసక్తి కనబరుస్తూ, తన ప్రతిభతో జోనల్ స్థాయికి ఎంపిక కావడం పట్ల పాఠశాల ఉపాధ్యాయులు, విద్యార్థులు హర్షం వ్యక్తం చేశారు. ఈ సందర్భంగా విద్యార్థిని వర్షిణిని, ఆమెకు క్రీడల్లో శిక్షణ అందించి ప్రోత్సహించిన పీఈటీ శ్రీకాంత్ రెడ్డిని పాఠశాల ప్రిన్సిపాల్ జయ రెడ్డి, కరస్పాండెంట్ మదన్ సురేష్, అరవింద్ ప్రత్యేకంగా అభినందించారు.
