అమృతాపూర్ గ్రామంలో ఎస్‌ఐఆర్ ఓటరు నమోదు కార్యక్రమంలో పాల్గొన్న బీజేపీ జిల్లా అధ్యక్షుడు కులాచారి దినేష్
త్రిశూల్ న్యూస్ రిపోర్టర్ ప్రభాకర్
నిజామాబాద్ జిల్లా డిచ్‌పల్లి మండలం అమృతాపూర్ గ్రామంలో ప్రత్యేక సమగ్ర ఓటరు జాబితా సవరణ కార్యక్రమం (ఎస్‌ఐఆర్ – Special Intensive Revision)లో భాగంగా ఎన్నికల అధికారులు ఓటరు ఎన్యూమరేషన్ ఫారాలను బీజేపీ జిల్లా అధ్యక్షుడు కులాచారి దినేష్కు అందజేశారు.
ఈ కార్యక్రమంలో డిచ్‌పల్లి ఎమ్మార్వో సతీష్ రెడ్డి, ఆర్‌ఐ భూపతి ప్రభు, బీఎల్‌వోలు పాల్గొన్నారు.
ఈ సందర్భంగా కులాచారి దినేష్ మాట్లాడుతూ, “ఓటు హక్కు ప్రతి భారత పౌరుని ప్రజాస్వామ్య హక్కు. ప్రత్యేక సమగ్ర ఓటరు జాబితా సవరణ (ఎస్‌ఐఆర్) ద్వారా తప్పుడు, నకిలీ, అర్హత లేని ఓట్లు, అలాగే భారతీయులు కాని వారి పేర్లను తొలగించి పారదర్శకమైన ఓటరు జాబితాను రూపొందించడమే ఈ కార్యక్రమం ప్రధాన ఉద్దేశ్యం” అని అన్నారు.
ఇప్పటివరకు బీఎల్‌వోలు సుమారు 90 శాతం ఎన్యూమరేషన్ ఫారాలను ప్రజలకు పంపిణీ చేశారని, అయితే పంపిణీ చేసిన ఫారాల్లో కేవలం 2 శాతం మాత్రమే తిరిగి బీఎల్‌వోలకు అందాయని తెలిపారు.
గ్రామాల్లోని యువత ఎస్‌ఐఆర్ ప్రక్రియలో స్వచ్ఛందంగా పాల్గొని, తమ గ్రామంలో ఈ కార్యక్రమం వంద శాతం విజయవంతం అయ్యేలా సహకరించాలని కోరారు. అలాగే ప్రతి పోలింగ్ బూత్ పరిధిలో బీజేపీ కార్యకర్తలు బాధ్యతాయుతంగా వ్యవహరించి, ప్రజల్లో ఉన్న సందేహాలను నివృత్తి చేస్తూ అర్హులైన ప్రతి ఒక్కరూ ఓటరుగా నమోదు అయ్యేలా కృషి చేయాలని సూచించారు.
ఈ కార్యక్రమంలో సర్పంచ్ గంగారం, మాజీ సర్పంచ్ నర్సింగరావు, కొండేటి బాలన్న, నాయుడు రాజన్న తదితరులు పాల్గొన్నారు.
