చెట్లను నరికినందుకు జరినామా….
త్రిశూల్ న్యూస్ రిపోర్టర్ మూన్ డిజైన్ శేఖర్…
నిజామాబాద్ జిల్లా నందిపేట మండల కేంద్ర మండల పరిషత్ కార్యాలయ ఆవరణలో నూతనంగా అగ్నిమాపక కార్యాలయ భవన నిర్మాణం అవుతుంది. అట్టి భవన ప్రహరీ గోడకు అడ్డుగా వస్తున్న రెండు చెట్లను కాంట్రాక్టర్ తొలగించడంతో అటవీశాఖ అధికారులు కాంట్రాక్టర్కు 8000 రూపాయల జరిమానాలను విధించారు. అనుమతి లేకుండా ఎవరైనా చెట్లను నరికిన వారిపై అటవీశాఖ చట్టం ప్రకారం శిక్షార్హులైతారని, తప్పని సరిగా చెట్లను నరికే పరిస్థితి వస్తే ముందుగా అటవీశాఖ అనుమతులు తీసుకోవాలని అటవీ శాఖ రేంజ్ అధికారి అరుణ్ కుమార్ తెలిపారు. ప్రభుత్వాలు ఎన్నో లక్షలు ఖర్చుపెట్టి పచ్చదనం కొరకు రోడ్లకు ఇరువైపులా చెట్లను నాటిస్తే వాటిని కొందరు రైతులు వరి కొయ్యలను తగలబెట్టే క్రమంలో పచ్చని చెట్లను కూడా తగలబెట్టి వందలాది చెట్లను బూడిద చేస్తున్నారని, కాంట్రాక్టర్ పై చర్య తీసుకున్నట్టే, అటువంటి వారిపై కూడా పంచాయతీరాజ్, అటవీ శాఖ ఉమ్మడిగా కఠిన చర్యలు తీసుకోవాలని ప్రజలు కోరుకుంటున్నారు.
