రోజు గడవకముందే దొంగను పట్టిన పోలీసులు…
నిన్న కొత్తూరు శివారులో చైన్ స్నాచింగ్…
వెనివెంటే పట్టుబడ్డ దొంగ…
బాద్గుణ గ్రామానికి చెందిన చైన్ స్నాచర్…
త్రిశూల్ న్యూస్ రిపోర్టర్ మూన్ డిజైన్ శేఖర్…
నందిపేట్ ఆగస్టు 14 త్రిశూల్ న్యూస్ : నిజామాబాద్ జిల్లా నందిపేట మండలం బజార్ కొత్తూరు గ్రామ శివారులో గురువారం సాయంత్రం 4 గంటల ప్రాంతంలో ఒక మహిళ మెడలో నుంచి రెండు తులాల బంగారు చైన్ తెంపుకొని పరారైన సంఘటన వెలుగులోకి వచ్చేంత లోపే నందిపేట పోలీసులు బాధితురాలి ఫిర్యాదు తీసుకొని స్నాచర్ కొరకు వేట మొదలెట్టారు. ఆర్మూర్ రూరల్ సీఐ జాన్ రెడ్డి, ఎస్సై వినయ్ కుమార్, ప్రత్యేక పోలీసు బృందాలతో సి సి ఫుటేజ్ లను ఆధారంగా చేసుకుని గాలింపు చేపట్టారు. ఘటన జరిగి రోజు గడవకముందే మహిళ మెడలో నుంచి బంగారు గొలుసును కొట్టేసిన చైన్ నాచర్ను పట్టుకొని కటకటాల వెనక్కి పంపారు . నిర్మల్ జిల్లా లోకేశ్వర్ మండలం మన్మడ్ గ్రామానికి చెందిన పిట్ట బోజవ్వ ఉమ్మెడ గ్రామంలో ఉన్న తన అక్కను చూసి తిరిగి తన గ్రామానికి వెళ్లేందుకు మాయాపూర్ అంబేద్కర్ విగ్రహం వద్ద నందిపేట్ బస్ కొరకు వేచి ఉన్న సమయంలో ఉమ్మెడ నుంచి బైక్పై చైన్ దొంగ నాగేశ్వర్ దిలీప్ అనే యువకుడు ఈ భోజవ్వను మాయ మాటలు చెప్పి బైకు ఎక్కించుకొని కొత్తూరు శివారు లోకి రాగానే ఆమె మెడలో ఉన్న రెండు తులాల బంగారు గొలుసును లాగేసుకుని పరారయ్యాడు. ఎస్సై వినయ్ కుమార్ తన బృందంతో చైన్ స్నాచర్ ని 24 గంటలలోపే పట్టుకోవడాన్ని ప్రజలు హర్షిస్తున్నారు. గతంలో బోర్గాం గ్రామంలో ఇన్సూరెన్స్ డబ్బుల కొరకు రమేష్ అనే యువకున్ని ఆమె భార్యతో కలిసి హతమార్చిన సంఘటనలో ప్రధాన నిందితుడు ఈ చైన్స్ స్నాచర్ దిలీప్.
