రాజీవ్ గాంధీ యువతకు ఆదర్శప్రాయుడు:సర్పంచ్ అరిగెల జనార్ధన్…
త్రిశూల్ న్యూస్ రిపోర్టర్ కూనే జితేందర్…
మాజీ ప్రధాని రాజీవ్ గాంధీ జయంతిని పురస్కరించుకుని పిప్రి గ్రామంలోని పాఠశాలలో విద్యార్థులకు పండ్లను పంపిణీ చేశారు. ఈ సందర్భంగా సర్పంచ్ అరిగెల జనార్ధన్ మాట్లాడుతూ రాజీవ్ గాంధీ యువతకు ఆదర్శప్రాయుడని పేర్కొన్నారు.
దేశంలో యువతకు ఓటు హక్కును 21 సంవత్సరాల నుంచి 18 సంవత్సరాలకు తగ్గించిన ఘనత రాజీవ్ గాంధీకే దక్కుతుందని తెలిపారు. రాజకీయాల్లోకి రావాలనే ఉద్దేశం లేకపోయినా, తన తల్లి ఇందిరాగాంధీ అకాల మరణం తర్వాత దేశ సేవ కోసం రాజకీయాల్లోకి వచ్చారని వివరించారు.
దేశ ప్రధానిగా ఆధునిక భారత నిర్మాణానికి కృషి చేసిన రాజీవ్ గాంధీ, ముఖ్యంగా దేశంలో ఐటీ రంగం అభివృద్ధికి పునాదులు వేశారని సర్పంచ్ పేర్కొన్నారు. ఆయన ఆశయాలను నేటి యువత ముందుకు తీసుకెళ్లాలని, దేశ అభివృద్ధిలో భాగస్వాములు కావాలని విద్యార్థులకు సూచించారు.
ఈ కార్యక్రమంలో పార్టీ ప్రెసిడెంట్ రాజేష్, ఉపసర్పంచ్ రంజిత్, జేమ్స్, వీడీసీ సభ్యులు గంగారం, అశోక్, స్వామి, నర్సింగ్, ప్రతాప్, లింబన్న గొల్ల, రాజేందర్ గౌడ్ తదితరులు పాల్గొన్నారు.
