త్వరలో ‘ఇందిరమ్మ కుటుంబ జీవిత బీమా’ పథకం అమలు!
తెలంగాణ : రాష్ట్ర ప్రభుత్వం త్వరలో ‘ఇందిరమ్మ కుటుంబ జీవిత బీమా పథకం’ను అమలు చేయనుంది. ఇందిరా గాంధీ జయంతి సందర్భంగా నవంబర్ 19 నుంచి ఈ పథకాన్ని ప్రారంభించనున్నట్లు తెలుస్తోంది. రాష్ట్రంలోని సుమారు 1.15 కోట్ల కుటుంబాలకు రూ.5 లక్షల జీవిత బీమా కవరేజీ కల్పించనుండగా, ప్రీమియాన్ని ప్రభుత్వమే భరించనుంది. కుటుంబ యజమాని లేదా ప్రధాన సంపాదనదారు మరణిస్తే నామినీకి ఈ మొత్తం అందేలా పథకాన్ని రూపొందిస్తున్నారు. లబ్ధిదారుల ఎంపికకు ఇంటింటి సర్వే నిర్వహించనున్నట్లు సమాచారం.
