గమ్యం యాప్‌తో ప్రయాణికులకు మరింత మెరుగైన సౌకర్యం
ఆర్మూర్ బస్టాండ్‌లో ప్రయాణికులకు అవగాహన కల్పించిన డిపో మేనేజర్ ప్రతిమారెడ్డి…
త్రిశూల్ న్యూస్ రిపోర్టర్ కే నగేష్
ఆర్మూర్: టీజీఎస్‌ఆర్టీసీ ప్రయాణికులకు మరింత మెరుగైన సేవలు అందించేందుకు అందుబాటులోకి తీసుకొచ్చిన “గమ్యం” యాప్‌పై ఆర్మూర్ బస్టాండ్‌లో డిపో మేనేజర్ శ్రీమతి ప్రతిమారెడ్డి ప్రయాణికులకు అవగాహన కల్పించారు.
ఈ సందర్భంగా ఆమె మాట్లాడుతూ.. టీజీఎస్‌ఆర్టీసీ బస్సుల్లో టికెట్ రిజర్వేషన్ చేసుకున్న ప్రయాణికులు తమ బస్సు ప్రస్తుతం ఎక్కడ ఉందో, బస్సు ఎప్పుడు తమ గమ్యస్థానానికి లేదా బస్టాండ్‌కు చేరుకుంటుందో తెలుసుకోవడానికి ఇకపై ఆందోళన చెందాల్సిన అవసరం లేదన్నారు. ప్రయాణికులు తమ మొబైల్ ఫోన్లలో గమ్యం యాప్‌ను డౌన్‌లోడ్ చేసుకొని, రిజర్వ్ చేసుకున్న బస్సుకు సంబంధించిన మీరు ఉన్న బస్టాండ్ కు నుండి బస్సు ఎంత దూరంలో ఉంది అనే సమాచారాన్ని కూడా చూడవచ్చు ఎంత టైం లో వస్తుందని సమాచారాన్ని సులభంగా తెలుసుకోవచ్చని తెలిపారు.
బస్సు రాక కోసం ఎక్కువ సమయం బస్టాండ్‌లో వేచి ఉండకుండా, బస్సు ప్రస్తుత స్థానం మరియు రాక సమయానికి సంబంధించిన సమాచారాన్ని ముందుగానే తెలుసుకోవడం ద్వారా ప్రయాణికులు తమ సమయాన్ని సద్వినియోగం చేసుకోవచ్చని ప్రతిమారెడ్డి వివరించారు.
టీజీఎస్‌ఆర్టీసీ సంస్థ ప్రయాణికుల సౌకర్యాన్ని దృష్టిలో ఉంచుకొని ఆధునిక సాంకేతికతను వినియోగిస్తూ అనేక సేవలను అందుబాటులోకి తీసుకొస్తోందని, అందులో గమ్యం యాప్ ప్రయాణికులకు ఎంతో ఉపయోగకరమైన సౌకర్యం అని ఆమె పేర్కొన్నారు.
ప్రతి ప్రయాణికుడు గమ్యం యాప్‌ను ఉపయోగించుకొని టీజీఎస్‌ఆర్టీసీ అందిస్తున్న ఈ సౌకర్యాన్ని సద్వినియోగం చేసుకోవాలని డిపో మేనేజర్ ప్రతిమారెడ్డి విజ్ఞప్తి చేశారు.
