కొండా లక్ష్మణ్ బాపూజీ 111వ జయంతి వేడుకలు ఘనంగా నిర్వహణ…
త్రిశూల్ న్యూస్ ధర్పల్లీ మండల్ రిపోర్టర్ బిల్ల నవీన్
నిజామాబాద్ జిల్లా ధర్పల్లి మండలంలోని ధర్పల్లి–సీతాయిపేట్ పద్మశాలి సంఘం ఆధ్వర్యంలో శ్రీ ఆచార్య కొండా లక్ష్మణ్ బాపూజీ 111వ జయంతి వేడుకలను ఘనంగా నిర్వహించారు.
ఈ సందర్భంగా తెలంగాణ ఉద్యమానికి, బడుగు బలహీన వర్గాల సంక్షేమానికి కృషి చేసిన స్వాతంత్ర్య సమరయోధుడు, తెలంగాణ ఉద్యమ నేత కొండా లక్ష్మణ్ బాపూజీ జయంతిని పురస్కరించుకుని పద్మశాలి మండల సంఘం సభ్యులు ఆయనకు ఘనంగా నివాళులర్పించారు. బాపూజీ విగ్రహానికి పూలమాల వేసి, ఆయన చేసిన సేవలను స్మరించుకున్నారు.
తెలంగాణ సమాజం, బడుగు బలహీన వర్గాల హక్కుల కోసం కొండా లక్ష్మణ్ బాపూజీ చేసిన పోరాటం చిరస్మరణీయమని ఈ సందర్భంగా నాయకులు పేర్కొన్నారు. ఆయన ఆశయాలను ముందుకు తీసుకెళ్లేందుకు ప్రతి ఒక్కరూ కృషి చేయాలని పిలుపునిచ్చారు.
ఈ కార్యక్రమంలో అధ్యక్షుడు కొండ్యాల వినోద్, చిలక నరేష్‌తో పాటు కార్యవర్గ సభ్యులు వైభవ్, అక్షయ్, మోహన్, అంకం గంగాస్వామి, దాసరి గంగాధర్, అంకం ఆనంద్, బిల్ల రాజేందర్, గోనే రాజేశ్వర్, సబ్బని గంగాధర్, చాట్ల స్వామి, వెంగళ లింబాద్రి, తాళ్ల శ్రీధర్, రాజేందర్, నవీన్, కొండ శ్రీనివాస్, చిలుక మహేష్, సంజీవ్, మరిపెద్ది రాజు, తాళ్ల రాము, కృష్ణ, సురేందర్, సంతోష్, గంగాదాస్, మురళి, అనిల్, బండి గంగాధర్ తదితరులు పాల్గొన్నారు.
