తెలంగాణ ఉద్యమకారులకు ఘన సన్మానం
కేసీఆర్ నాయకత్వంలో తెలంగాణ ఉద్యమంలో కీలక పాత్ర పోషించిన కార్యకర్తలకు గుర్తింపు…
త్రిశూల్ న్యూస్ రిపోర్టర్ ప్రభాకర్
డిచ్‌పల్లి: తెలంగాణ ఉద్యమంలో 2001 సంవత్సరం నుంచి నేటి వరకు పాల్గొంటూ, బీఆర్ఎస్ పార్టీ అభివృద్ధికి క్రియాశీలకంగా కృషి చేస్తున్న ఉద్యమకారులను ఘనంగా సన్మానించారు.
పార్టీ అధికారంలో ఉన్న సమయంలోనూ, ప్రస్తుతం అధికారంలో లేని సమయంలోనూ పార్టీని వెన్నంటి ఉంటూ అంకితభావంతో పనిచేస్తున్న ఉద్యమకారులను గుర్తించి ఈ సన్మాన కార్యక్రమాన్ని నిర్వహించారు. మాజీ ఆర్టీసీ చైర్మన్ బాజిరెడ్డి గోవర్ధన్, నిజామాబాద్ రూరల్ నియోజకవర్గ బీఆర్ఎస్ ఇన్‌చార్జి బాజిరెడ్డి జగన్ చేతుల మీదుగా ఉద్యమకారులకు సన్మానం చేశారు.
ఈ సందర్భంగా సన్మానం పొందిన ఉద్యమకారులు మాట్లాడుతూ.. తెలంగాణ ఉద్యమంలో పాల్గొన్న తమకు గుర్తింపు లభించడం ఎంతో సంతోషంగా ఉందన్నారు. కేసీఆర్ నాయకత్వంలో పనిచేయడం గర్వకారణమని పేర్కొన్నారు. బాజిరెడ్డి గోవర్ధన్ నాయకత్వంలో పనిచేస్తూ, ఆయన అడుగుజాడల్లో నడుస్తూ భవిష్యత్తులోనూ పార్టీ అభివృద్ధికి అహర్నిశలు కృషి చేస్తామని తెలిపారు. పార్టీ బలోపేతం కోసం నిరంతరం పనిచేస్తూ తమ వంతు కృషి చేస్తామని స్పష్టం చేశారు.
