శ్రీ పరంజ్యోతి భగవతి ఆలయం ఆధ్వర్యంలో మహా అన్నదాన కార్యక్రమం
500 మందికి అన్నప్రసాద వితరణ…
త్రిశూల్ న్యూస్ రిపోర్టర్ గడిల లింగం
కామారెడ్డి జిల్లా కేంద్రంలో శ్రీ సర్వదేవ పరంజ్యోతి అమ్మ భగవాన్ ఆశీస్సులతో మహా అన్నదాన కార్యక్రమాన్ని నిర్వహించారు. ఈ కార్యక్రమంలో భాగంగా కామారెడ్డి ప్రభుత్వ ఆసుపత్రిలో, అనాథ బాలల వసతి గృహంలో సుమారు 500 మందికి అన్నప్రసాదాన్ని పంపిణీ చేశారు.
ఆకలితో ఉన్నవారికి పట్టెడు అన్నం పెట్టాలనే అమ్మ భగవాన్ సందేశంతో ఆలయం ఆధ్వర్యంలో నిరంతరాయంగా అన్నదాన కార్యక్రమాలు నిర్వహిస్తున్నట్లు నిర్వాహకులు తెలిపారు. ప్రతి మంగళవారం కల్కి ఆలయంలో, ప్రతి పౌర్ణమి రోజున అన్నప్రసాద వితరణ కార్యక్రమాన్ని చేపడుతున్నట్లు పేర్కొన్నారు.
ఈ సేవా కార్యక్రమాల ద్వారా వేలాది మంది ఆకలి తీర్చేందుకు సహకరిస్తున్న దాతలకు నిర్వాహకులు ప్రత్యేక కృతజ్ఞతలు తెలిపారు. ఇలాంటి సేవా కార్యక్రమాలు నిర్వహించే భాగ్యాన్ని కల్పించిన పరంజ్యోతి అమ్మ భగవాన్‌కు కృతజ్ఞతలు తెలియజేశారు.
ఈ కార్యక్రమంలో ఆలయ సేవకులు ఎర్రం చంద్రశేఖర్, ఎర్రం విజయ్ కుమార్, డాక్టర్ బాలు, పార్శి శ్రీనివాస్, మంజుల, సిద్ధంశెట్టి శ్రీనివాస్, గంజి శ్రీనివాస్, కొమిరిశెట్టి దిగంబర్, ఎర్రం పోశెట్టి తదితరులు పాల్గొన్నారు.
